ԿԱՅՔԻ ՔԱՐՏԵԶ
ԹԵԺ ԳԻԾ
11.09.2017 17:46
Հանրապետության տարածքում գրանցվել է ճանապարհատրանսպորտային պատահարի 3 դեպք
Սեպտեմբերի 9-ին ժամը 08:10-ի սահմաններում Մարտունու շրջանի Ճարտար քաղաքի բնակիչ 1997թ. ծնված Կ. Հ-ն, վարելով «Մերսեդես- Բենց E-190» ավտոմեքենան, Ճարտար-Զորավան ավտոճանապարհի 5-րդ կիլոմետրին դուրս է եկել ճանապարհի երթևեկելի մասից և կողաշրջվել, ինչի հետևանքով նրա հետ ընթացող նույն քաղաքի բնակիչներ` 1992թ. ծնված Մ. Շ-ն, 1986թ. ծնված Ն. Մ-ն և նույն շրջանի Թաղավարդ գյուղի բնակիչ 1987թ. ծնված Ս. Ա-ն ստացած մարմնական վնասվածքներով տեղափոխվել են Մարտունու զինվորական հոսպիտալ:
* * *
Սեպտեմբերի 9-ին ՀՀ Սյունիքի մարզի Տաթև գյուղի բնակիչ 1983թ. ծնված Ս. Հ-ն, վարելով «Մերսեդես-Բենց С-200» ավտոմեքենան, Ստեփանակերտ-Գորիս ավտոճանապարհի 18-րդ կիլոմետրին բախվել է Մարտակերտի շրջանի Մարաղա գյուղի բնակիչ 1977թ. ծնված Ա.Ս-ի վարած «ԲՄՎ-318 i» ավտոմեքենային, ինչի հետևանքով վերջինիս ուղևոր` Մարաղա գյուղի բնակչուհի 1982թ. ծնված Լ. Վ-ն ստացած մարմնական վնասվածքներով տեղափոխվել է «Հանրապետական բժշկական կենտրոն» ՓԲԸ:
* * *
Սեպտեմբերի 8-ին ժամը 20:21-ի սահմաններում Քաշաթաղի շրջանի Բերձոր քաղաքի բնակիչ 1992թ. ծնված Ս. Ա-ն, վարելով «Օպել Աստրա Ջի» ավտոմեքենան, Իշխանաձոր-Բերձոր ավտոճանապարհի 50-րդ կիլոմետրին դուրս է եկել երթևեկելի մասից դեպի ձախ, վթարի ենթարկվել ու ստացել վնասվածքներ: