ԿԱՅՔԻ ՔԱՐՏԵԶ
ԹԵԺ ԳԻԾ
25.12.2017 15:35
Հանրապետության ավտոճանապարհներին տեղի է ունեցել 2 պատահար
Դեկտեմբերի 24-ին ժամը 13:30-ի սահմաններում Ասկերան քաղաքի բնակիչ` 1995թ. ծնված Ա.Բ-ն, վարելով «Ֆոլկսվագեն-Վենտո» ավտոմեքենան, Ստեփանակերտ-Ասկերան ավտոճանապարհի 8-րդ կիլոմետրին վազանցի ժամանակ բախվել է համընթաց ուղղությամբ երթևեկող նույն քաղաքի բնակիչ` 1951թ. ծնված Մ.Ա-ի վարած ԳԱԶ «31105» ավտոմեքենային, այնուհետև երկու ավտոմեքենաները բախվել են ճամփեզրի ծառերին, ինչի հետևանքով Ա.Բ-ն ստացած մարմնական վնասվածքներով տեղափոխվել է Ստեփանակերտի զինվորական հոսպիտալ, իսկ Մ.Ա-ն և իր ուղևոր, Ասկերանի շրջանի Աստղաշեն գյուղի բնակիչ` 1991թ. ծնված Ն.Խ-ն, ստացած մարմնական վնասվածքներով տեղափոխվել են «Հանրապետական բժշկական կենտրոն» ՓԲԸ:
* * *
Դեկտեմբերի 25-ին ժամը 01:00-ի սահմաններում Մարտունու շրջանի Սոս գյուղի բնակիչ` 1988թ. ծնված Վ.Հ-ն, վարելով «ՎԱԶ-2106» ավտոմեքենան, Մարտունի-Ննգի-Ստեփանակերտ ավտոճանապարհի 2-րդ կիլոմետրին բախվել է Մարտունի քաղաքի բնակիչ` 1955թ. ծնված Ա.Հ-ի վարած «ՎԱԶ-21213» ավտոմեքենային, ինչի հետևանքով վերջինիս ուղևոր, Մարտունի շրջանի Սպիտակաշեն գյուղի բնակչուհի` 1958թ. ծնված Է.Բ-ն, ստացած մարմնական վնասվածքներով տեղափոխվել է «Մարտունու շրջբուժմիավորում» ՓԲԸ: