ԿԱՅՔԻ ՔԱՐՏԵԶ
ԹԵԺ ԳԻԾ
09.06.2018 11:21
Հայտնաբերվել է թմրանյութի ապօրինի պահելու և իրացնելու դեպքեր
Հունիսի 8-ին ժամը 11:00-ի սահմաններում ԱՀ ոստիկանության քրեական հետախուզության և Ստեփանակերտի քաղվարչության ծառայողները համատեղ ստացված օպերատիվ տվյալներն իրացնելիս, անձնական զննության են ենթարկել Ստեփանակերտ քաղաքի բնակիչ՝ 1961թ ծնված Ժ.Ա-ին, ում ծոցագրպանում հայտնաբերվել է պոլիէթիլենային փաթեթ, որի մեջ առկա էր 5,58 գրամ քաշով մուգ շագանակագույն բամբակ՝ ներծծված թմրամիջոցի լուծույթով, որը ձեռք է բերել նույն քաղաքի բնակիչ՝ 1976թ. ծնված Մ.Ա-ից: Նույն օրը թմրանյութ պահելու և իրացնելու կասկածանքով Ստեփանակերտ քաղաքի Վ.Մամիկոնյան փողոցի թիվ 7 հասցեի դիմաց փորձել են անձնական զննության ենթարկել Մ.Ա-ին, սակայն վերջինս շպրտել է գրպանի պարունակությունը և ձեռքի տոպրակը: Շպրտված տոպրակի ներսում հայտնաբերվել է դատարկ ներարկիչներ, 4 հատ դեղահաբի կոճակ, ապակյա տարրա՝ ներսում հեղուկ և բամբակ, իսկ գրպանից շպրտված պարունակությունը կազմել է 2.87 գրամ քաշով սպեցիֆիկ հոտով մանրացված չոր բուսական զանգված, նրա վերնաշապիկի գրպանում հայտնաբերվել է թափանցիկ 5,75 գրամ քաշով «Չեռնյաշկա» կոչվող թմրանյութին նմանվող զանգված: Նույն օրը տարված բացատրական աշխատանքների արդյունքում Մ.Ա-ն կամավոր հանձնել է «Չեռնյաշկա» տեսակի թմրամիջոցի նմանվող 48,59 գրամ զանգված և 1 ներարկիչ՝ լցված 6 մգ. թափանցիկ լուծույթով, որը ձեռք է բերել ՀՀ Երևան քաղաքից: