ԿԱՅՔԻ ՔԱՐՏԵԶ
ԹԵԺ ԳԻԾ
28.09.2015 15:25
Հայտնաբերվել է թմրանյութ և ապօրինի որս
Սեպտեմբերի 27-ին ստացված տվյալների ստուգման արդյունքում զննության է ենթարկվել Մարտունի քաղաքի Լ.Պետրոսյան փողոցի N տան բնակիչ, 1977թ. ծնված Հ. Ու-ի տան հետևի մասում առկա շինությունը, որտեղ հայտնաբերվել է վերջինիս կողմից ապօրինի ցանած ու աճեցրած կանեփանման բույսի 2 սածիլ, իսկ տան սառնարանում` Հ. ՈՒ-ի աներորդու կողմից ապօրինի որսած 1 հատ մացառախոզ:
****
Սեպտեմբերի 27-ին ստացված տվյալների ստուգման արդյունքում Մարտունի քաղաքի «Կարվինա խաչմերուկ» կոչվող տեղանքում կանգնեցվել է Մայիսի 9-ի փողոցի թիվ 1 շենքի N բնակարանի բնակիչ, 1973թ. ծնված Ն. Բ-ին պատկանող «ՎԱԶ-2121» ավտոմեքենան, որի ուղևոր՝ Սպիտակաշեն գյուղի բնակիչ, 1989թ. ծնված Հ. Ա-ի տաբատի գրպանում զննությամբ՝ ծխախոտի գլանակներից մեկում հայտնաբերվել է սպեցիֆիկ հոտով, կանաչ գույնի, չորացված և մանրացված թմրանյութի նմանվող 0,44 գրամ քաշով զանգված, իսկ գուլպայի մեջ` 5,29 գրամ քաշով նմանատիպ զանգված: