Հադրութի շրջանում վիճաբանության 2 դեպք է գրանցվել

Մարտի 24-ին ԱՀ ոստիկանության Ստեփանակերտ քաղաքի վարչությունից հաղորդում է ստացվել ԱՀ ոստիկանության Հադրութի շրջանային բաժին առ այն, որ նույն օրը ժամը 19:40-ին «Հանրապետական բժշկական կենտրոն» է դիմել Հադրութի շրջանի բնակիչ, 1992թ. ծնված Մ. Բ.-ն քթոսկրի կոտրվածք, դեմքի շրջանի քերծված վերքեր, կրծքավանդակի առաջնային մակերեսի փափուկ հյուսվածքների սալջարդ վնասվածքներով:
ԱՀ ոստիկանության ծառայողը պարզել է, որ մարտի 24-ին ժամը 14:00-ի սահմաններում Հադրութի շրջանի Ակնաղբյուր գյուղի «Ղորուխլար» կոչվող տեղամասում, աձնական հարցերը պարզաբանելու շուրջ վիճաբանություն է առաջացել Մ. Բ.-ի և Հադրութ քաղաքի բնակիչ, 1991թ. ծնված Դ. Խ.- ի միջև, որի ընթացքում վերջիններս մեկական անգամ փոխադարձ հարվածներ են հասցրել միմյանց մարմնի տարբեր մասերին՝ պատճառելով մարմնական վնասվածքներ:
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Հադրութի շրջանային բաժինը:

Մարտի 25-ին Հադրութի շրջբուժմիավորումից հաղորդում է ստացվել ԱՀ ոստիկանության Հադրութի շրջանային բաժին առ այն, որ նույն օրը ժամը 00:15-ին աջ աչքի հեմատոմա, քթի սալջարդ՝ պատռված վերքերով իրենց մոտ է ընդունվել Հադրութի շրջանի բնակիչ, 1989թ. ծնված Ա. Ս.-ն, իսկ ժամը 00:40-ին ձախ ձեռքի 4-րդ մատի ֆալանքի փակ կոտրվածքով իրենց մոտ է ընդունվել Հադրութի շրջանի բնակիչ, 1989թ. ծնված Ա. Պ.-ն։
ԱՀ ոստիկանության ծառայողը պարզել է, որ մարտի 24-ին ժամը 22:00-ի սահմաններում Մոխրենես գյուղի վերնամասում գտնվող ջրամբարի մոտ վիճաբանություն է առաջացել մի կողմից Ա. Ս.-ի և Ա.Պ.-ի, իսկ մյուս կողմից, նույն շրջանի բնակիչներ՝ 1992թ. ծնված Է. Պ.-ի և 1997թ. ծնված Ս. Ա.-ի միջև, որի ընթացքում կողմերը ձեռքերով փոխադարձ հարվածներ են հասցրել միմյանց մարմնի տարբեր մասերին, ինչի հետևանքով Ա. Ս.-ն և Ա.Պ.-ն ստացել են նշված վնասվածքները:
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Հադրութի շրջանային բաժինը: