ԿԱՅՔԻ ՔԱՐՏԵԶ
ԹԵԺ ԳԻԾ
27.01.2020 10:37
Կրպակից գողություն է կատարվել
Հունվարի 26-ին Շուշիի շրջանի բնակչուհի, 1961թ. ծնված Ս. Պ.-ն հեռախոսով հաղորդել է ԱՀ ոստիկանության Շուշիի շրջանային բաժին առ այն, որ հունվարի 25-ին ժամը 18:00-ից մինչև հունվարի 26-ի ժամը 14:00-ն ընկած ժամանակահատվածում իրեն պատկանող կրպակից գողություն է կատարվել:
ԱՀ ոստիկանության Շուշիի շրջանային բաժնի ծառայողները պարզել են, որ հունվարի 25-ին ժամը 19:00-ին նույն շրջանի բնակիչներ՝ 2007թ. ծնված Ա. Ա.-ն և 2008թ. ծնված Ա. Ա.-ն
պատուհանի ապակին հանելու միջոցով մուտք են գործել կրպակ և գողացել 2 շիշ օղի, 2 շիշ գարեջուր, 2 շիշ գինի, 2 հատ կողպեք և 20.000 ՀՀ դրամ գումար:
Պարզվել է նաև, որ վերջիններս հունվարի 21-ին նույն եղանակով մուտք են գործել նշված կրպակ և գողացել 80.000 դրամ գումար, որը ծախսել են իրենց կարիքների համար:
Գողոնը մասամբ առգրավված է:
Ստուգմամբ զբաղվում է ԱՀ ոստիկանության Շուշիի շրջանային բաժինը: