ԿԱՅՔԻ ՔԱՐՏԵԶ
ԹԵԺ ԳԻԾ
23.12.2019 09:51
Կենցաղային հողի վրա վիճաբանություն է առաջացել
Ի պատասխան «Facebook» սոցիալական ցանցում Հայկ Խանումյան օգտատիրոջ կողմից ԱՀ քաղաքացու ծեծի ենթարկելու մասին հրապրակված գրառմանը, տեղեկացնում ենք, որ 2019թ. դեկտեմբերի 15-ին ժամը 20.00-ի սահմաններում Ստեփանակերտ քաղաքի Դուդինի 19 հասցեում կենցաղային հողի վրա առաջացել է վիճաբանություն՝ մի կողմից 1971թ. ծնված Արթուր Սարգսյանի, մյուս կողմից 1962թ. ծնված Մելսիկ Քարամյանի և վերջինիս որդի՝ 1986 թ. ծնված Արմեն Քարամյանի միջև, որի ընթացքում վերջիններս հարվածներ են հասցրել Արթուր Սարգսյանի մարմնի տարբեր մասերին՝ հասցնելով նրան մարմնական վնասվածքներ:
Նշենք, Արթուր Սարգսյանն ունի մի շարք դատվածություներ, որոնցից երկուսը՝ թմրամիջոց պահելու և օգտագործելու համար: Բացի այդ Արթուր Սարգսյանը նախկինում բազմաթիվ անգամ աչքի է ընկել ալկոհոլի ազդեցության տակ վիճաբանությունների մասնակից դառնալով:
Դեպքի ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: