ԿԱՅՔԻ ՔԱՐՏԵԶ
ԹԵԺ ԳԻԾ
23.09.2020 11:22
Կամովին հանձնել են զենք, զինամթերք
Սեպտեմբերի 22-ին Մարտակերտի շրջանի բնակիչ, 1984թ.ծնված Վ. Բ.-ն ԱՀ ոստիկանության Մարտակերտի շրջանային բաժին կամովին հանձնել է մեկ միավոր երկփողանի որսորդական հրացան, երկփողանի որսորդական հրացանի փող, «Ֆ-1» տիպի 2 նռնակ և 410 փամփուշտ, որոնք նույն օրը ժամը 12:00-ի սահմաններում գտել է Կիչան համայնքի վարչական տարածքի «Ծուատեղ» կոչվող տեղամասից:
Ստուգմամբ զբաղվում է ԱՀ ոստիկանության Մարտակերտի շրջանային բաժինը:
Սեպտեմբերի 22-ին Բերձոր քաղաքի բնակիչ, 1963թ.ծնված Ռ. Հ.-ն ԱՀ ոստիկանության Քաշաթաղի շրջանային բաժին կամովին հանձնել է ակոսափող հրացան և 77 փամփուշտ, որը սեպտեմբերի 20-ին, ժամը 14:00-ի սահմաններում գտել է իր առանձնատանը հարակից կիսաքանդ փլատակ շինությունը մաքրելու ժամանակ։
Ստուգմամբ զբաղվում է ԱՀ ոստիկանության Քաշաթաղի շրջանային բաժինը:
Սեպտեմբերի 22-ին Ասկերանի շրջանի բնակիչ, 1995թ.ծնված Շ. Գ.-ն ԱՀ ոստիկանության քրեական հետախուզության վարչություն կամովին հանձնել է 1 միավոր ինքնաշեն ատրճանակ, 2 նռնակ և տարբեր տրամաչափի 33 փամփուշտ, որոնք նույն օրը գտել է Ասկերանի շրջանի «Ակնա» կոչվող թաղամասից:
Ստուգմամբ զբաղվում է ԱՀ ոստիկանության քրեական հետախուզության վարչությունը: