ԿԱՅՔԻ ՔԱՐՏԵԶ
ԹԵԺ ԳԻԾ
18.06.2020 11:22
Կամովին զենք, զինամթերք են հանձնել
Հունիսի 17-ին Ստեփանակերտ քաղաքի բնակիչ, 1995թ.ծնված Ա. Հ.-ն ԱՀ ոստիկանության Ստեփանակերտ քաղաքի վարչություն կամովին հանձնել է մեկ միավոր հրացան, «ՌԳԴ» տիպի 2 նռնակ, նռնակի 1 պայթուցիչ, ինքնաձիգի 1 պահեստատուփ և տարբեր տրամաչափի 100 փամփուշտ, որոնք գտել է Ստեփանակերտ քաղաքի Վ. Սարգսյան փողոցի թիվ 1 շենքի նկուղում մաքրություն կատարելու ժամանակ:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Հունիսի 17-ին Մարտունու շրջանի բնակիչ, 1991թ.ծնված Ն. Բ.-ն ԱՀ ոստիկանության քրեական հետախուզության վարչություն է կամովին հանձնել մեկ միավոր «Մուխա» տեսակի նռնականետ, որը 2020թ. ապրիլ ամսին գտել էր Մարտունու շրջանի հարակից տարածք հանդիսացող «Մողանլու» կոչվող տեղանքից:
Ստուգմամբ զբաղվում է ԱՀ ոստիկանության քրեական հետախուզության վարչությունը: