ԿԱՅՔԻ ՔԱՐՏԵԶ
ԹԵԺ ԳԻԾ
Ծեծկռտուքներ
Հունվարի 5-ին «Հանրապետական բժշկական կենտրոն» ՓԲ ընկերությունից հաղորդում է ստացվել այն մասին, որ փակ գանգուղեղային և ոտնաթաթի սալջարդ վնասվածքներով իրենց մոտ է տեղափոխվել Ստեփանակերտ քաղաքի Փետրվարի 20-ի փողոցի N տան բնակչուհի, 1967թ. ծնված Ս. Ս-ն:
Պարզվել է, որ նույն օրը՝ ժամը 05:00-ի սահմաններում, Շինարարների փողոցի N տան մոտ վիճաբանություն է առաջացել Ս. Դավթի փողոցի թիվ 56 շենքի N բնակարանի բնակիչ, 1997թ. ծնված Ֆ. Ա-ի, 1998թ. ծնված Վ. Պ-ի, 1996թ. ծնված Վ. Լ-ի և Շինարարների փողոցի N տան բնակիչ, 1989թ. ծնված Ա. Ս-ի միջև, որի ընթացքում վերջինիս մայր Ս. Ս-ն, նրանց բաժանելու նպատակով միջամտել է քաշքշուկին և ընկնելով՝ գլորվել է նշված տան դիմացի ձորը:
Նշված անձանց տրվել են դատաբժշկի ուղեգրեր:
****
Հունվարի 5-ին «Հանրապետական բժշկական կենտրոն» ՓԲ ընկերությունից հաղորդում է ստացվել այն մասին, որ գլխի գագաթային շրջանի սալջարդ վնասվածքով բուժօգնության է դիմել Ստեփանակերտ քաղաքի Զորգե փողոցի N տան բնակիչ, 1970թ. ծնված Դ. Հ-ն:
Պարզվել է, որ հունվարի 3-ին՝ ժամը 20:00-ի սահմաններում, Մետաքսագործների փողոցի N տան բնակիչ, 1958թ. ծնված Վ. Ղ-ին պատկանող տանը վիճաբանություն է առաջացել հյուրընկալված՝ Նժդեհի փողոցի թիվ 68 շենքի N բնակարանի բնակիչ, 1983թ. ծնված Ա. Ծ-ի և Դ. Հ-ի միջև, ինչի հետևանքով վերջինս ստացել է նշված վնասվածքը:
****
Հունվարի 5-ին շրջբուժմիավորումից ոստիկանության Մարտակերտի շրջբաժնում հաղորդում է ստացվել այն մասին, որ փափուկ հյուսվածքների սալջարդ վնասվածքով իրենց մոտ է դիմել Ներքին Հոռաթաղ գյուղի բնակչուհի, 1970թ. ծնված Կ. Գ-ն:
Պարզվել է, որ Կ. Գ-ն վնասվածքը ստացել է նույն օրը՝ ժամը 20:30-ի սահմաններում, տանը ամուսնու՝ 1955թ. ծնված Խ. Զ-ի (բն. է նույն գյուղում) կողմից երկու անգամ բռունցքով հարվածելու հետևանքով:
****
Հունվարի 6-ին Ստեփանակերտ քաղաքի Հեքիմյան փողոցի թիվ 2բ շենքի N բնակարանի բնակչուհի, 1975թ. ծնված Լ. Ա-ն ոստիկանության քաղվարչություն է դիմել այն մասին, որ հունվարի 5-ին՝ ժամը 22:10-ի սահմաններում, նույն շենքի N բնակարանի բնակիչ, 1990թ. ծնված Ա. Ա-ն քաշքշել է իրեն՝ պատճառելով մարմնական վնասվածք: