ԿԱՅՔԻ ՔԱՐՏԵԶ
ԹԵԺ ԳԻԾ
16.09.2014 16:21
Ծեծ, վնասվածքներ, գույքային վնաս
Սեպտեմբերի 14-ին Ստեփանակերտ քաղաքի Հ. Սահյան փողոցի N տան բնակչուհի, 1980թ. ծնված Դ. Ա-ն ոստիկանության քաղվարչություն է դիմել այն մասին, որ նույն օրը` ժամը 00:05-ի սահմաններում, տան մոտ իրեն ծեծի է ենթարկել Րաֆֆու փողոցի N տան բնակիչ, 1948թ. ծնված Է. Խ-ն:
***
Սեպտեմբերի 13-ին Մարտունի քաղաքի Ռ. Մարտիրոսյան փողոցի N տան բնակչուհի, 1972թ. ծնված Ա. Ա-ն ոստիկանության շրջբաժին է դիմել այն մասին, որ նույն օրը` ժամը 16:00-ի սահմաններում, տանը վիճաբանության ժամանակ նախկին ամուսինը` Ս. Սարգսյան փողոցի N տան բնակիչ, 1968թ. ծնված Մ. Ջ-ն, ծեծի է ենթարկել իրեն և ջարդել համակարգիչը:
Ա. Ա-ին տրվել է դատաբժշկի ուղեգիր:
***
Սեպտեմբերի 13-ին Ասկերանի շրջանի Այգեստան գյուղի բնակիչ, 1983թ. ծնված Ա. Ա-ն հեռախոսով ոստիկանության շրջբաժին է հայտնել այն մասին, որ իրեն ծեծի են ենթարկել:
Պարզվել է, որ նույն օրը` ժամը 19:30-ի սահմաններում, Այգեստան գյուղում վիճաբանություն է առաջացել Ա. Ա-ի և համագյուղացիներ` 1985թ. ծնված Գ. Մ-ի, 1973թ. ծնված Դ. Պ-ի միջև, որի ընթացքում կողմերը հարվածներ են հասցրել միմյանց:
***
Սեպտեմբերի 13-ին շրջբուժմիավորումից ոստիկանության Մարտակերտի շրջբաժին հաղորդում է ստացվել այն մասին, որ գոտկային մասի վնասվածքով բուժօգնության է դիմել Մեծ շեն գյուղի բնակչուհի, 1999թ. ծնված Հ. Ա-ն:
Պարզվել է, որ սեպտեմբերի 12-ին, ժամը 17:30-ի սահմաններում, նշված գյուղում Հ. Ա-ին փայտով հարվածներ է հասցրել համագյուղացի` 1975թ. ծնված Ա. Ն-ն: