ԿԱՅՔԻ ՔԱՐՏԵԶ
ԹԵԺ ԳԻԾ
06.06.2014 12:35
Խուլիգանություն դատական նիստի ժամանակ
Հունիսի 5-ին, ժամը 16:30-ին, ԼՂՀ ընդհանուր իրավասության առաջին ատյանի դատարանի Ասկերանի նստավայրից ոստիկանության Ասկերանի շրջբաժնի հերթապահ մաս ահազանգ է ստացվել այն մասին, որ դատական նիստի դահլիճում վիճաբանություն է տեղի ունենում:
Մեկնած օպերատիվ խումբը պարզել է, որ նույն օրը, ժամը 16:20-ի սահմաններում, նշված դատարանում դատական նիստի ժամանակ հայցվոր` Ստեփանակերտ քաղաքի Սասունցի Դավթի փողոցի N տան բնակիչ, 1988թ. ծնված Մ. Մ-ն, կոպիտ կերպով խախտելով դատական նիստի ընթացքը, վիճաբանության մեջ է մտել պատասխանող կողմի ներկայացուցիչ` Ասկերան քաղաքի Ստեփանյան փողոցի թիվ 1 շենքի N բնակարանի բնակչուհի, 1964թ. ծնված Վ. Ք-ի հետ և բռնություն գործադրելով` բջջային հեռախոսը շպրտել վերջինիս դեմքին, այնուհետև դատարանի միջանցքում ոտքով մեկ անգամ հարվածել նախկին կնոջ` 1992թ. ծնված Մ. Ա-ի որովայնին, ինչի հետևանքով Վ. Ք-ն և Մ. Ա-ն ստացած մարմնական վնասվածքներով դիմել են Հանրապետական բժշկական կենտրոն: