ԿԱՅՔԻ ՔԱՐՏԵԶ
ԹԵԺ ԳԻԾ
21.04.2017 12:48
Խորհրդակցություն ԼՂՀ ոստիկանությունում
Համաձայն ԼՂՀ ոստիկանության պետի կողմից հաստատված ոստիկանության ղեկավարության մոտ 2017թ 1-ին կիսամյակում անցկացվելիք օպերատիվ խորհրդակցությունների պլանի սույն թվականի ապրիլի 20-ին ԼՂՀ ոստիկանության պետի տեղակալ, ոստիկանության գնդապետ Գագիկ Ղահրամանյանը օպերատիվ խորհրդակցություն անցկացրեց ոստիկանության հասարակական կարգի ապահովման բաժնի պրոֆիլակտիկ բաժին-բաժանմունքների և թույլտվության համակարգի ծառայողների հետ։
Օրակարգի առաջին հարցի՝ ոստիկանության հասարակական կարգի ապահովման բաժնի պրոֆիլակտիկայի բաժին-բաժանմունքներում 2017թ 3 ամիսների ընթացքում նախկինում դատված անձանց կողմից կատարված հանցագործությունների կանխարգելման և բացահայտման ուղղությամբ կատարված աշխատանքների մասին զեկույցով հանդես եկավ ոստիկանության հասարակական կարգի ապահովման բաժնի պետ, ոստիկանության փոխգնդապետ Գագիկ Հարությունյանը։ Ըստ զեկուցողի հաշվետու ժամանակահատվածում նախկինում դատված 6 անձանց կողմից կատարվել է 6 հանցագործություն, ընդդեմ՝ 2016թ նույն ժամանակահատվածում 9 անձի կողմից կատարված 12 հանցագործության։
Օրակարգի երկրորդ հարցը նվիրված էր ԼՂՀ ոստիկանության հասարակական կարգի ապահովման բաժնի թույլտվության համակարգի կողմից քաղաքացիների զենքերի գրանցման և վերագրանցման ուղղությամբ կատարված աշխատանքներին, որի վերաբերյալ զեկույցը ներկայացրեց ոստիկանության հասարակական կարգի ապահովման բաժնի տեսուչ, ոստիկանության լեյտենանտ Մարատ Պետրոսյանը։
ԼՂՀ ոստիկանության պետի տեղակալ, ոստիկանության գնդապետ Գագիկ Ղահրամանյանը մանրամասն անդրադառնալով նախկինում դատվածների կողմից հանցագործությունների նվազման ցուցանիշներին, հանձնարարեց չբավարարվել ձեռքբերումներով և տեղերում էլ ավելի ակտիվացնել իրականացվող աշխատանքները։
Ոստիկանության պետի տեղակալը համապատասխան հանձնարարականներ ուղղեց նաև հրազենի գրանցման, վերագրանցման և կորստյան գործերով իրականացվող աշխատանքների ուղղությամբ։