ԿԱՅՔԻ ՔԱՐՏԵԶ
ԹԵԺ ԳԻԾ
18.08.2020 12:21
Խարդախության դեպքեր՝մայրաքաղաքում
Օգոստոսի 17-ին Ստեփանակերտ քաղաքի բնակիչ, 1987թ.ծնված Հ. Դ.-ն դիմել է ԱՀ ոստիկանության Ստեփանակերտ քաղաքի վարչություն այն մասին, որ օգոստոսի 13-ից մինչև 14-ն ընկած ժամանակահատվածում Ստեփանակերտ քաղաքում մայրաքաղաքի բնակիչ, 1983թ.ծնված Ն. Հ.-ի միջոցով 230.000 դրամ գումար է փոխանցել խաբեությամբ իրեն ծանոթ՝ ոմն Ա.-ի (տվյալներն ճշտվում են) «Իդրամ» հաշվեհամարին:
Oգոստոսի 17-ին ԱՀ ոստիկանության Ստեփանակերտ քաղաքի վարչություն է մուտքագրվել Ասկերանի շրջանի բնակչուհի, 1981թ.ծնված Ա. Ա.-ի դիմումն այն մասին, որ «Ֆեյսբուք» սոցկայքում «արագ վարկեր» հայտարարությունում նշված 095-92-92-98 հեռախոսահամարին, որին պատասխանել է ոմն Է.-ն (տվյալներն ճշտվում են) ու պատրաստականություն հայտնել արագ վարկ ձևակերպել մինչև 3.000.000 դրամ, սակայն այդ ամենը կազմակերպելու համար վերջինս Ա. Ա.-ից պահանջել է նշված հեռախոսահամարի «Իդրամ» դրամապանակին փոխանցել որոշակի գումարներ, ինչի արդյունքում Ա. Ա.-ն ընդհանուր առմամբ օգոստոսի 4-ից մինչև օգոստոսի 8-ն ընկած ժամանակահատվածում Ստեփանակերտ քաղաքից տերմինալի միջոցով նշված հեռախոսահամարին է փոխանցել 281.000 դրամ, սակայն Է.-ն Ա. Ա.-ի վստահությունը չարաշահելու եղանակով և խաբեությամբ ստացել է նշված գումարը, բայց չի կատարել պայմանավորվածությունը:
Օգոստոսի 17-ին ԱՀ ոստիկանության ԱՀ ոստիկանության Ստեփանակերտ քաղաքի վարչություն է մուտքագրվել մայրաքաղաքի բնակչուհի, 1966թ.ծնված Մ. Դ.-ի դիմումն այն մասին, որ 2019թ. սեպտեմբեր ամսվա սկզբին մայրաքաղաքի բնակիչ, 1965թ.ծնված Վ. Ա.-ն դիմել է որդուն՝2003թ.ծնված Վ. Ե.-ի համար սոցկայք ստեղծելու խնդրանքով, որի դիմաց խոստացել է վճարել 450.000 դրամ գումար, սակայն Վ. Ե.-ի կողմից նշված կայքը բացելուց հետո Վ. Ա.-ն խաբեությամբ, վստահությունը չարաշահելու եղանակով չի կատարել պայմանավորվածությունը:
Ստուգումներով զբաղվում է ԱՀ ոստիկանության Ստեփանակերտ քաղաքի վարչությունը:
