ԿԱՅՔԻ ՔԱՐՏԵԶ
ԹԵԺ ԳԻԾ
09.07.2018 14:43
Խաբեությամբ հափշտակած ոսկյա զարդերը գրավադրել է բանկում
Հունիսի 25-ին ԱՀ ոստիկանության Ստեփանակերտի քաղաքային վարչություն է մուտքագրվել Ստեփանակերտ քաղաքի բնակչուհի 1948թ. ծնված Ա. Ղ-ի դիմումն այն մասին, որ ս.թ. հունիսի 19-ին ժամը 16:00-ի սաhմաններում Ստեփանակերտի կենտրոնական շուկայում տեղակայված իրեն պատկանող ոսկյա զարդերի խանութում ոմն Դավիթը, չարաշահելով իր վստահությունը, առանց վճարելու վերցրել է 261 800 և 290 000 դրամ արժողությամբ 2 ոսկյա շղթա ու խոստացել, որ երկու ժամվա ընթացքում կվերադարձնի շղթաներից մեկը, իսկ մյուսի համար կվճարի, սակայն չի վերադարձրել ոչ շղթաները, ոչ էլ վճարել է գումարը:
ԱՀ ոստիկանության Ստեփանակերտի քաղաքային վարչության քրեական հետախուզության ծառայողների կողմից ձեռնարկված միջոցառումների արդյունքում պարզվել է, որ ոմն Դավիթը հանդիսանում է նույն քաղաքի բնակիչ 1982թ. ծնված Դավիթ Գ-ն, ով չարաշահելով Ա. Ղ-ի վստահությունը վերցրել է նշված ոսկյա շղթաները և գրավադրել «Արդշինբանկ» ՓԲԸ-ում:
