ԿԱՅՔԻ ՔԱՐՏԵԶ
ԹԵԺ ԳԻԾ
23.01.2017 16:59
ԼՂՀ ոստիկանության պետը պարգևատրեց համակարգում տասնամյակների վաստակ ունեցող թոշակառուին
Գնահատանքը Աստվածահաճո գործ է։
Սլավա Հովսեփյանը 1968-ից մինչև 1970թ-ը ժամկետային զինծառայություն էր անցել ԽՍՀՄ զինված ուժերի Ներքին Զորքերում։ Այնուհետև շուրջ 10 տարի որպես հսկիչ ծառայել է ՀՀ ՆԳՆ Սևանի ուղղիչ-դաստիարակչական հիմնարկում, իսկ հետո նաև՝ մինչև 1999 թվականը ԼՂՀ ՆԳՆ հրշեջ ծառայությունում։
Ակտիվ մասնակցություն է ունեցել նաև Արցախյան Ազատամարտին։
Սույն թվականի հունվարի 23-ին ԼՂՀ ոստիկանության պետ, գեներալ-մայոր Կամո Աղաջանյանը հյուրընկալեց Սլավա Հովսեփյանին։
Գնահատանքի ենթարկելով նրա տասնամյակների վաստակը՝ ոստիկանության պետը Սլավա Հովսեփյանին պարգևատրեց «Օրենքի պատվար» մեդալով և առողջություն, խաղաղ ու իմաստալից կյանք մաղթեց պաշտոնաթող ավագ լեյտենանտին։
Հաճելի է վերհիշել սխրանքի նշույլներով կյանքիդ դրվագները, առավել ևս հաճելի է, երբ գնահատանքի էս արժանանում կատարածիդ համար։