ԿԱՅՔԻ ՔԱՐՏԵԶ
ԹԵԺ ԳԻԾ
30.12.2015 16:31
ԼՂՀ ոստիկանության պետ, գեներալ-մայոր Կամո Աղաջանյանի շնորհավորանքը Ամանորի և Սուրբ Ծննդյան տոների առթիվ
Հարգելի արցախցիներ, ընդունեք իմ ջերմագին շնորհավորանքները Ամանորի և Սուրբ Ծննդյան տոների առթիվ:
ԼՂՀ ոստիկանության համար 2015թ. ձեռքբերումների տարի էր: Իրականացված նպատակային աշխատանքների շնորհիվ ոստիկանությունը էական հաջողություններ է արձանագրել ինչպես հանցավորության դեմ տարվող պայքարում, այնպես էլ հասարակական կարգի լիարժեք ապահովման ուղղություններում: Ձեռքբերումները հիմականում պայմանավորվել են հասարակության կողմից ոստիկանության հանդեպ օրըստօրե ամրապնդվող վստահությամբ, ինչը ևս մեկ անգամ հավաստում է, որ համակարգում իրականացվող բարեփոխումները այլընտրանք չունեն:
2016թ-ին ոստիկանության ծառայության գործունեության առավելագույն արդյունավետություն ապահովելու համար մեր հիմնական շեշտադրումը ուղղելու ենք հանցագործությունների կանխարգելմանը, դրանց ծնող պատճառների և պայմանների վերացմանը:
Եվս մեկ անգամ շնորհավորելով բոլորիդ Ամանորն ու Սուրբ Ծնունդը` մեր ժողովրդին մաղթում եմ առողջություն և անձնական երջանկություն:
Այսօր, երբ սահմանագծից ամեն օր մեզ են հասնում հակառակորդի դավադրության մասին գույժերը, մեզնից պահանջվում է դրսևորել առավելագույն համախմբվածություն:
Շնորհավորում եմ մեր փառապանծ բանակի՝ սահմանագծում կանգնած զինվորներին և նրանց հարազատներին, ազգիս մաղթում խաղաղություն և միասնականություն: