ԿԱՅՔԻ ՔԱՐՏԵԶ
ԹԵԺ ԳԻԾ
ԼՂՀ ոստիկանության պետ, գեներալ-մայոր Կամո Աղաջանյանի շնորհավորական ուղերձը ՀՀ ոստիկանության օրվա առթիվ
Հարգելի Վլադիմիր Սերգեյի
Արցախի Հանրապետության ոստիկանության և անձամբ իմ անունից ջերմագին շնորհավորանքներ ենք հղում Ձեզ և ՀՀ ոստիկանության ողջ անձնակազմին ՀՀ ոստիկանության օրվա առթիվ:
Վերջին տարիններին ՀՀ ոստիկանությունը էական հաջողություններ է արձանագրել ինչպես հանցավորության դեմ տարվող պայքարում, այնպես էլ հասարակական կարգի լիարժեք ապահովման և հասարակության շրջանում ոստիկանության հեղինակության բարձրացման ուղղություններում:
Մենք ականատեսն ենք, թե ինչպիսի հետևողականությամբ և սկզբունքայնությամբ եք Դուք կյանքի կոչում ՀՀ ոստիկանությունում իրականացվող բարեփոխումները՝ հիմնական շեշտադրումը դնելով հասարակության շրջանում ոստիկանության հանդեպ վստահության ամրապնդմանը:
Գոյամարտի տարիներից համոզված ենք, որ ինչպես Արցախի Հանրապետության ոստիկանությունը, այնպես էլ Հայաստանի Հանրապետության մեր գործընկերները այսօր էլ պատրաստ են միահամուռ լծվել հայրենիքի պաշտպանության սուրբ գործին:
Մեր խորին երախտիքն ենք հայտնում Ձեզ ապրիլյան չորսօրյա պատերազմի ընթացքում և դրան հաջորդած օրերին ցուցաբերած հայրենանվիրության համար: Ներկայումս ԼՂՀ ոստիկանության պետական պահպանության վարչության և ՀՀ ոստիկանության ներքին զորքերի ծառայողները շարունակում են ուժեղացված պահպանություն իրականացնել Արցախի ռազմավարական նշանակության ամենակարևորագույն օբյեկտներից մեկում:
Խորին շնորհակալանքներ ենք հղում նաև ՀՀ ոստիկանությանը՝ Արցախին ցուցաբերվող օգնության համար:
Եվս մեկ անգամ շնորհավորելով Ձեր և ՀՀ ոստիկանության ծառայողների ՀՀ ոստիկանության օրվա առթիվ՝ ցանկանում ենք խաղաղություն ու անձնական երջանկություն բոլորիդ:
Թող Աստծո աջը միշտ ուղեկցի մեր ժողովրդին և միասնական պահի հայի անկոտրում կամքն ու ոգին:
Լավագույն մաղթանքներով՝ ԼՂՀ ոստիկանության պետ, գեներալ-մայոր Կամո Աղաջանյան.