ԿԱՅՔԻ ՔԱՐՏԵԶ
ԹԵԺ ԳԻԾ
19.06.2014 17:34
Ի գիտություն Լեռնային Ղարաբաղի Հանրապետություն ժամանող օտարերկրյա քաղաքացիներին և քաղաքացիություն չունեցող անձանց
Հայտնում ենք, որ ԼՂՀ ոստիկանության պետ, գեներալ-մայոր Կամո Աղաջանյանի ցուցումով ամբողջությամբ պարզեցվել է «Ժամանակավոր կամ մշտական կացության կարգավիճակ կամ կացության կարգավիճակը երկարաձգելու» գործընթացը:
Նշված կարգավիճակը ստանալու համար Հայաստանի Հանրապետության ոստիկանության անձնագրային և վիզաների վարչություն ներկայանալու փոխարեն այժմ կարող եք ներկայանալ ԼՂՀ ոստիկանության անձնագրային և վիզաների բաժին` այդ կերպ զերծ մնալով հեռավորության պատճառով ավելորդ անհարմարություններից և, իհարկե, նյութական զգալի ծախսերից:
Լեռնային Ղարաբաղի Հանրապետություն ժամանող օտարերկրյա քաղաքացիներին և քաղաքացիություն չունեցող անձանց հիշեցնում ենք, որ «Ժամանակավոր կամ մշտական կացության կարգավիճակ» կարող են ստանալ ՀՀ ժամանելուց հետո` սահմանված եռամսյա ժամկետում: