ԿԱՅՔԻ ՔԱՐՏԵԶ
ԹԵԺ ԳԻԾ
19.02.2018 16:06
Թունավորում ` շմոլ գազից
Փետրվարի 17-ին «Հանրապետական բժշկական կենտրոն» ՓԲԸ-ից հաղորդում է ստացվել Ստեփանակերտի քաղաքային վարչություն այն մասին, որ նույն օրը շմոլ գազի թունավորումով իրենց մոտ են ընդունվել Ստեփանակերտ քաղաքի բնակիչներ` 1958թ. ծնված Լ.Գ-ն և 1989թ. ծնված Կ.Մ-ն, իսկ նույն օրը ժամը 17:30-ին «Արևիկ» մանկական բուժմիավորում ՓԲԸ են ընդունվել Տիգրան Մեծի փողոցի թիվ 18 շենքի N բնակարանի բնակիչներ՝ 2017թ. ծնված Հ.Մ-ն և 2014թ. ծնված Է.Մ-ն:
Պարզվել է, որ նշված անձինք թունավորվել են նույն օրը ժամը 16:00-ի սահմաններում, Տիգրան Մեծի փողոցի թիվ 18 շենքի N բնակարանի խոհանոցում տեղադրված գազի ջրատաքացուցիչից արտանետված շմոլ գազից:
* * *
Փետրվարի 18-ին «Արևիկ» մանկական բուժմիավորում ՓԲԸ-ից հաղորդում է ստացվել Ստեփանակերտի քաղաքային վարչություն այն մասին, որ նույն օրը շմոլ գազի թունավորումով իրենց մոտ են ընդունվել Ստեփանակերտ քաղաքի բնակիչներ` 2007թ. ծնված Դ.Հ-ն և 2005թ. ծնված Վ.Հ-ն:
Պարզվել է, որ նշված անձինք թունավորումը ստացել են նույն օրը ժամը 13:30-ի սահմաններում տան խոհանոցում տեղադրված ջրատաքացուցիչից արտանետված շմոլ գազից: