Թմրանյութի նմանվող զանգվածներ են հայտնաբերվել

Սեպտեմբերի 18-ին ժամը 15:10-ի սահմաններում ԱՀ ոստիկանության Ասկերանի շրջանի ծառայողները Ասկերանի շրջանի բնակիչ, 1983թ.ծնված Է. Ա.-ի տան զննությամբ երկրորդ հարկ բարձրացող աստիճանների հենարանի վրա հայտնաբերվել է վերջինիս պատկանող թվով 2 փաթեթ, իսկ տան հողատարածքում գտնվող առկա դեզի արանքից թվով 1 փաթեթ, որոնց մեջ առկա էր ընդհանուր 5,62գ. քաշով չորացված և մանրացված «Մարիխուանա» տեսակի թմրանյութի նմանվող զանգված:
Ստուգմամբ զբաղվում է ԱՀ ոստիկանության Ասկերանի շրջանային բաժինը:

Սեպտեմբերի 18-ին ՔՀԲ օպերլիազոր Գ. Ա.-ն զեկուցագիր է ներկայացրել ԱՀ ոստիկանության Մարտակերտի շրջանային բաժին այն մասին, որ ապօրինի թմրանյութ պահելու կասկածանքով նույն օրը ժամը 20:30-ին Ներքին Հոռաթաղ համայնքում անձնական զննության են ենթարկել Մարտակերտի շրջանի բնակիչ,1996թ.ծնված Հ. Ա.-ն, ում տաբատի գրպանում հայտնաբերվել է սպիտակ գույնի թղթե մեկ փաթեթ, որում առկա էր 1 գրամ քաշով կանաչ գույնի, սպիցիֆիկ հոտով, թմրանյութի նմանվող չորացված զանգված:
Հ. Ա.-ն բերման է ԱՀ ենթարկվել Մարտակերտի շրջանային բաժին:
Ստուգմամբ զբաղվում է ԱՀ ոստիկանության Մարտակերտի շրջանային բաժինը:

Սեպտեմբերի 19-ին ԱՀ ոստիկանության Քաշաթաղի շրջանային բաժնի ծառայողները ԱՀ ոստիկանության ՔՀՎ և ԱՎՎ ԱՀԿ բաժնի «Աղավնո» անցնագրային կետի ծառայողների հետ համատեղ Աղավնո գյուղում տեղակայված հսկիչ անցագրային կետում թմրանյութ պահելու կասկածանքով կանգնեցրել և զննության են ենթարկել Ստեփանակերտ քաղաքի բնակիչ, 1980թ.ծնված Ա. Բ.-ի կողմից վարվող «Օպել Զաֆիրա» մակնիշի ավտոմեքենան, որի բեռնախցիկից հայտնաբերվել է թղթե փաթեթում 3 գրամ քաշով կանաչ գույնի չորացված և մանրացված «Մարիխանա» տեսակի թմրանյութի նմանվող զանգված, իսկ ուղևոր՝ ՀՀ Երևան քաղաքի բնակիչ, 1978թ.ծնված Հ. Ս.-ի անձնական զննությամբ վարտիքի միջից հայտնաբերվել է պոլիէթիլենային տոպրակի մեջ փաթեթավորված 2 հատ ընդհանուր 2.78 գրամ քաշով «Մետադոն» տեսակի դեղահաբ, 2 հատ թղթե փաթեթներում ընդհանուր 3.7 գրամ քաշով կանաչ գույնի չորացված և մանրացված մարիխանա տեսակի թմրանյութի նմանվող զանգված և 1 հատ կաթուցիչ պատերին մուգ դարչնագույն մոխրացված հետքերով։
Ա. Բ.-ն և Հ. Ս.-ն բերման են ենթարկվել ԱՀ ոստիկանության Քաշաթաղի շրջանային բաժին։
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: