ԿԱՅՔԻ ՔԱՐՏԵԶ
ԹԵԺ ԳԻԾ
02.07.2020 11:35
Թմրանյութերի դեմ պայքարը շարունակվում է
Հուլիսի 1-ին ժամը 19:30-ին ԱՀ ոստիկանության ծառայողները՝ թմրանյութ պահելու կասկածանքով, Ստեփանակերտ քաղաքի Արզանյան փակուղուց ԱՀ ոստիկանության Ստեփանակերտ քաղաքի վարչություն բերման են ենթարկել մայրաքաղաքի բնակիչ, 1989թ.ծնված Ի. Ծ.-ին, ում բաճկոնի գրպանում հայտնաբերվել է թմրանյութին նմանվող զանգվածի պարունակությամբ 1 կաթուցիչ, իսկ ծոցագրպանում առկա ծխախոտի տուփի մեջ 1 օգտագործված կաթուցիչ և 1 փաթեթ, որի մեջ առկա էր 0.62 գրամ քաշով մանրացված կանեփանման բույսի նմանվող զանգված:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Հուլիսի 1-ին ժամը 12:30-ի սահմաններում, ԱՀ ոստիկանության ծառայողները ոստիկանության Հադրութի շրջանային բաժնի և ռազմական ոստիկանության ծառայողների հետ համատեղ, մշակումն արգելված թմրանյութ պարունակող բույսեր ցանելու և աճեցնելու կասկածանքով զննության են ենթարկել Հադրութի շրջանի բնակիչ, 1983թ.ծնված Ա. Ա.-ին պատկանող առանձնատան բանջարանոցը, որտեղ հայտնաբերվել է խնամված և մշակված 6 կանեփանման բույսի թփեր։
Ստուգմամբ զբաղվում է ԱՀ ոստիկանության քրեական հետախուզության վարչությունը:
