ԿԱՅՔԻ ՔԱՐՏԵԶ
ԹԵԺ ԳԻԾ
06.11.2019 11:13
Թմրամիջոցների դեմ պայքարը շարունակվում է
Նոյեմբերի 5-ին ոստիկանության ծառայողները զննության են ենթարկել Ստեփանակերտ քաղաքի բնակիչ, 1978թ.ծնված Ա. Ա.-ի կողմից վարձակալած մայրաքաղաքի Սարոյան փողոցում առկա խանութը, որտեղ դրամարկղի պահարանի ներքևի հատվածից հայտնաբերվել է թվով 1 պլաստմասե տարա, որի մեջ առկա էր 0.84 գրամ թմրանյութի նմանվող զանգված և թվով 5 սպիտակ թղթյա փաթեթ, որոնց մեջ առկա էր 0.35գր., 0.39գր, 0.58գր., 0.54գր., 0.34գր. չորացված և մանրացված թմրանյութին նմանվող զանգվածներ, որոնց ընդհանուր քաշը կազմում է 3.04 գրամ:
Ա. Ա.-ն բերման է ենթարկվել ԱՀ ոստիկանության Ստեփանակերտ քաղաքի վարչություն:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Նոյեմբերի 5-ին ԱՀ ոստիկանության քրեական հետախուզության վարչության ծառայողները՝ Հադրութի շրջանային բաժնի ծառայողների հետ համատեղ, նույն օրը, ժամը 11:00-ի սահմաններում, թմրանյութ պահելու կասկածանքով անձնական խուզարկության են ենթարկել Հադրութի շրջանի բնակիչ,1976թ.ծնված Ա. Մ.-ին, ում տաբատի գրպանից հայտնաբերվել է թղթե փաթեթ, որի մեջ առկա էր 1 գր. քաշով կանաչ գույնի չորացված և մանրացված թմրանյութի նմանվող զանգված, իսկ Մեխակավան գյուղում տեղակայված վերջինիս կողմից օգտագործվող կացարանի զննությամբ, սենյակում առկա պահարանի վրա հայտնաբերվել է 0,16 գր. քաշով նույնանման զանգված:
Ստուգմամբ զբաղվում է ԱՀ ոստիկանության քրեական հետախուզության վարչությունը:
