ԿԱՅՔԻ ՔԱՐՏԵԶ
ԹԵԺ ԳԻԾ
14.08.2020 11:57
Թմրամիջոցների դեմ պայքարը շարունակվում է
Օգոստոսի 13-ին ԱՀ ոստիկանության Շուշիի շրջանային բաժնի ծառայողները Շուշիի քաղաքի նախկին «Ասֆալտի» գործարանի մոտ, թմրանյութ պահելու կասկածանքով կանգնեցրել են Ստեփանակերտ քաղաքի բնակիչ, 1982թ.ծնված Գ. Ա.-ին պատկանող «Օպել Աստրա» մակնիշի ավտոմեքենան, որը չենթարկվելով շարունակել է մեքենան վարել դեպի Լիսագոր գյուղի ուղղությամբ, որտեղ Շուշիի գազալցակայանի մոտ մեքենայի ուղևոր՝ մայրաքաղաքի բնակիչ,1988թ.ծնված Ա. Բ.-ն մեքենայի միջից նետել է իրեն պատկանող 3.42 գրամ քաշով կանեփանման բույսի կիսաչոր զանգված:
Ա. Բ.-ի հետ տարված աշխատանքների ընթացքւմ պարզվել է, որ վերջինս Շուշիի նախկին «Ասֆալտի» գործարանի տարածքում, ցանել և մշակել է 6 հատ կանեփի թփեր, որից քաղել է նշված 3,42 գրամ զանգվածը օգտագործման նպատակով:
Նշված անձինք բերման են ենթարկվել ԱՀ ոստիկանության Շուշիի շրջանային բաժին:
Ստուգմամբ զբաղվում է ԱՀ ոստիկանության Շուշիի շրջանային բաժինը: