ԿԱՅՔԻ ՔԱՐՏԵԶ
ԹԵԺ ԳԻԾ
11.04.2020 11:54
Ընտրախախտման վերաբերյալ հաղորդում է ստացվել
Ապրիլի 10-ին ԱՀ գլխավոր դատախազությունից գրություն է ստացվել ԱՀ ոստիկանության Հադրութի շրջանային բաժին այն մասին, որ մարտի 31-ին ընթացող ԱՀ համապետական ընտրություններում Տումի համայնքի թիվ 3/32 ընտրատեղամասում Հադրութի շրջանի բնակիչ, 1999թ. ծնված Վ. Գ.-ն առանց տեղաշարժման հետ կապված խնդիրներ ունեցող Հադրութի շրջանի բնակչուհի, 1929թ. ծնված Ք. Մ.-ի համաձայնության նրա բացակայությամբ գրանցվել է որպես ընտրողի օգնող և Ք. Մ.-ի բարեկամ՝ Հադրութի շրջանի բնակչուհի, 1989թ. ծնված Ն. Հ.-ի կողմից ներկայացված ընտրողի անձնագրի օգտագործմամբ քվեարկել Ք. Մ.-ի փոխարեն, որից հետո վերջինս ներկայացել է ընտրատեղամաս և արձանագրել իր փոխարեն այլ անձի կողմից քվեարկած լինելը:
Ստուգմամբ զբաղվում է ԱՀ գլխավոր դատախազությունը: