ԿԱՅՔԻ ՔԱՐՏԵԶ
ԹԵԺ ԳԻԾ
22.07.2019 14:23
ԷԼԵԿՏՐԱՀԱՐՎԵԼ Է ԼԱՐԸ ՓՈԽԵԼԻՍ
Ս.թ. հուլիսի 16-ին ժամը 18:50-ին Ասկերանի շրջանային բուժմիավորումից հաղորդում է ստացվել ԱՀ ոստիկանության Ասկերանի շրջանային բաժին առ այն, որ նույն օրը ժամը 15:35-ին ձախ ծնկահոդի թերմիկ այրվածքով շտապ օգնության մեքենայով «Հանրապետական բժշկական կենտրոն» է տեղափոխվել Ասկերանի շրջանի բնակիչ,1950թ.ծնված Վ. Ի-ն:
Ոստիկանության ծառայողը պարզել է, որ Վ. Ի-ն նշված վնասվածքը ստացել է նույն օրը ժամը 15:00-ի սահմաններում Խնձրիստան գյուղի վարչական տարածքի «Կամուրջ» կոչվող տեղամասում աշխատանքի ժամանակ էլեկտրասյան վրա լարը փոխելիս էլեկտրահարվելու հետևանքով:
Ստուգմամբ զբաղվում է ԱՀ ոստիկանության Ասկերանի շրջանային բաժինը: