ԿԱՅՔԻ ՔԱՐՏԵԶ
ԹԵԺ ԳԻԾ
22.01.2019 11:19
ԶԵՆՔ, ԶԻՆԱՄԹԵՐՔԻ ԿԱՄԱՎՈՐ ՀԱՆՁՆՈՒՄ
Ս.թ. հունվարի 21-ին ԱՀ ոստիկանության քրեական հետախուզության վարչության և Մարտակերտի շրջանային բաժնի ծառայողների համատեղ տարված պրոֆիլակտիկ բացատրական աշխատանքների արդյունքում Մարտակերտի շրջանի բնակիչ, 1980թ. ծնված Մ. Ա-ն ԱՀ ոստիկանության քրեական հետախուզության վարչություն կամովին հանձնել է մեկ միավոր երկփողանի համակցված հրացան, որը պատկանում էր իր հանգուցյալ պապիկին` Մ. Ա-ին:
Ստուգմամբ զբաղվում է ԱՀ ոստիկանության քրեական հետախուզության վարչությունը:
Ս.թ. հունվարի 21-ին Ասկերանի շրջանի բնակիչ, 1985թ.ծնված Պ. Գ-ն ԱՀ ոստիկանության Ասկերանի շրջանային բաժին կամովին հանձնել է մեկ միավոր ինքնաշեն հրացան և 60 փամփուշտ:
Ստուգմամբ զբաղվում է ԱՀ ոստիկանության Ասկերանի շրջանային բաժինը:
Ս.թ. հունվարի 21-ին Մարտակերտի շրջանի բնակիչ, 1967թ.ծնված Վ. Վ-ն ԱՀ ոստիկանության Մարտակերտի շրջանային բաժին կամովին հանձնել է 3 հատ նռնակ, 5 հատ ինքնաձիգի պահեստատուփ և տարբեր տրամաչափի 398 փամփուշտ, որոնք հայտնաբերել է Մարտակերտի շրջանի Ճանկաթաղ գյուղի վարչական տարածքի «Ղումեն կարյեր» կոչվող տեղամասից։
Ստուգմամբ զբաղվում է ԱՀ ոստիկանության Մարտակերտի շրջանային բաժինը: