ԿԱՅՔԻ ՔԱՐՏԵԶ
ԹԵԺ ԳԻԾ
06.06.2019 12:32
Դրվատանքի ենթակա ազնվության դրսևորումներ
Սույն թվականի հունիսի 5-ին օրվա տարբեր ժամերին իրենց գտածոներով ոստիկանության Ստեփանակերտ քաղաքի վարչություն ներկայացան քաղաքացիներ։ Առաջինի դեպքում անձը ներկայացրեց դրամապանակ` անձնագրով հանդերձ, երկրորդ դեպքում` լուսանկարչական ապարտ` պայուսակով, իսկ երրորդ դեպքում` 2 անձնագիր և 20.000 դրամ։ Ոստիկանության ծառայողների կողմից նշվածները կորցրած անձանց գտնելուց և համապատասխան ընթացակարգով պատկանելությունը ստուգելուց հետո, դրանք հանձնվեցին իրական տերերին։
Սա առաջին դեպքը չէ, երբ քաղաքացին ոստիկանություն է ներկայացնում գտածոն։
Մեր երախտիքն ենք հայտնում ազնվության նմանատիպ դրսևորումներ ցուցաբերող համաքաղաքացիներին։
Մեզանից յուրաքանչյուրը ապահովագրված չէ ինչպես նյութական, այնպես է ոչ նյութական արժեք ներկայացնող որևէ իր կամ առարկա կորցնելու հնարավոր դեպքերից, ուստի բոլորս էլ պետք է ազնվություն ունենք սեփական խղճի և մտքի առջև։