ԿԱՅՔԻ ՔԱՐՏԵԶ
ԹԵԺ ԳԻԾ
14.07.2020 11:55
Դանակահարություն՝ Քաշաթաղի շրջանում
Հուլիսի 14-ին Քաշաթաղի շրջանի բնակիչ,1986թ.ծնված Հ. Խ.-ն հառախոսով հայտնել է ԱՀ ոստիկանության Քաշաթաղի շրջանային բաժին այն մասին, որ Խաչգետիկ գյուղում դանակահարություն է տեղի ունեցել։
Ստուգմամբ պարզվել է, որ հուլիսի 13-ին ժամը 23:00-ի սահմաններում, Աղավնատուն համայնքի Խաչգետիկ գյուղում տեղակայված առևտրի սրահի բակում կայանված, Քաշաթաղի շրջանի բնակիչ,1966թ.ծնված Ա. Հ.-ի կողմից վարվող, նույն համայնքին պատկանող «ՈՒազ» մակնիշի ավտոմեքենայի սրահում ծագած տարաձայնության շուրջ առաջացած վիճաբանության ընթացքում, Քաշաթաղի շրջանի բնակիչ, 1961թ.ծնված Ս. Գ.-ն իր մոտ գտնվող ծալովի դանակով հարվածել է նույն շրջանի բնակիչ,1983թ.ծնված Դ. Պ.-ի աջ գոտկատեղի շրջանին, ինչի հետևանքով վերջինս ստացած մարմնական վնասվածքով տեղափոխվել է Քաշաթաղի շրջանային բուժմիավորում։
Ս. Գ.-ն բերման է ենթարկվել Միջնավանի բաժանմունք։
Նշանակվել է դատաբժշկական փորձաքննություն։
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: