ԿԱՅՔԻ ՔԱՐՏԵԶ
ԹԵԺ ԳԻԾ
16.03.2015 16:48
Գողություններ
Մարտի 14-ին ոստիկանության Ստեփանակերտի քաղվարչություն վիճաբանության համար բերման ենթարկված` Հեքիմյան փողոցի թիվ 8 շենքի N բնակարանի բնակիչ, 1990թ. ծնված Ա. Ա-ի շուրջ տարված աշխատանքների արդյունքում պարզվել է, որ վերջինս մարտի 13-ին գողացել է նույն փողոցի թիվ 10 շենքի N բնակարանի բնակիչ, 1991թ. ծնված Հ. Գ-ին պատկանող «Այֆոն» բջջային հեռախոսը:
Գողոնն առգրավված է:
****
Մարտի 14-ին Ստեփանակերտ քաղաքի Մարտունու փողոցի N տան բնակիչ, 1941թ. ծնված Լ. Գ-ն ոստիկանության Ասկերանի շրջբաժին է դիմել այն մասին, որ ս.թ. փետրվար ամսվա վերջից մինչև մարտի 14-ն ընկած ժամանակահատվածում, անհայտ անձը Խնածախ գյուղի վարչական տարածքի «Ջամիլու» կոչվող տեղամասից գողացել է իրեն պատկանող էլեկտրասղոցը:
****
Մարտի 14-ին Քաշաթաղի շրջանի Զոլաքար գյուղի բնակիչ, 1962թ. ծնված Մ. Ա-ն ոստիկանության շրջբաժին է դիմել այն մասին, որ 2014թ. հոկտեմբերի 7-ից մինչև ս.թ. մարտի 13-ն ընկած ժամանակահատվածում, անհայտ անձինք իր տնից գողացել են ավտոպահեստամասեր և 20 լիտր դիզվառելիք:
Ձեռնարկված միջոցառումների արդյունքում պարզվել է, որ նշված գողությունը ս.թ. հունվարի 30-ին` ժամը 12:00-ի սահմաններում, կատարել են համագյուղացի` 1996թ. ծնված Բ. Մ-ն և Վաղազին գյուղի բնակիչ, 1997թ. ծնված Ս. Մ-ն` պատճառելով 90.000 ՀՀ դրամի վնաս:
Ս. Մ-ի շուրջ տարված աշխատանքների արդյունքում պարզվել է, որ վերջինս մարտի 5-ին` ժամը 19:00-ի սահմաններում, Վաղազին գյուղի հարակից արոտավայրից գողացել է Արտաշավի գյուղի բնակիչ, 1987թ. ծնված Ա. Ա-ին պատկանող 2 գլուխ խոշոր եղջերավոր անասունները: