ԿԱՅՔԻ ՔԱՐՏԵԶ
ԹԵԺ ԳԻԾ
13.06.2019 11:03
ԳՈՂՈՒԹՅՈՒՆ՝ ԽԱՆՈՒԹԻՑ
Ս.թ.հունիսի 12-ին Մարտակերտի շրջանի բնակիչ, 1990թ.ծնված Ա. Ն-ն հեռախոսով հաղորդել է ԱՀ ոստիկանության Մարտակերտի շրջանային բաժին առ այն, որ իր խանութից գողություն է կատարվել:
ԱՀ ոստիկանության Մարտակերտի շրջանային բաժնի ծառայողները պարզել են, որ հունիսի 11-ի ժամը 23:45-ից մինչև հունիսի 12-ի ժամը 08:30-ն ընկած ժամանակահատվածում, անհայտ անձը մեխանիկական ներգործությամբ բացել է Մարտակերտի շրջանի գյուղերից մեկում տեղակայված Ա. Ն-ին պատկանող խանութի դուռը և գաղտնի հափշտակել 19.000 դրամ գումար, 9 շիշ օղի, 3 շիշ թորած խաղողի օղի, 2 տուփ «չիբուխ» տեսակի ծխախոտ և 1 հատ «Վան» ֆիրմայի ապխտած հավ:
ԱՀ ոստիկանության Մարտակերտի շրջանային բաժնի ծառայողները՝ ԱՀ ոստիկանության քրեական հետախուզության վարչության և քննչական վարչության ծառայողների հետ համատեղ պարզել են, որ նշված գողությունը կատարել է ՀՀ Արմավիրի մարզի բնակիչ,1972թ.ծնված Ա. Գ-ն ։
Վնասի չափը պարզվում է:
Ա. Գ-ն բերման է ենթարկվել ԱՀ ոստիկանության Մարտակերտի շրջանային բաժին:
Գողոնը մասամբ առգրավված է:
Ստուգմամբ զբաղվում է ԱՀ ոստիկանության քննչական վարչությունը: