ԿԱՅՔԻ ՔԱՐՏԵԶ
ԹԵԺ ԳԻԾ
25.08.2014 12:39
Գողություն
Օգոստոսի 23-ին Ստեփանակերտ քաղաքի Մամիկոնյան փողոցի թիվ 17 շենքի N բնակարանի բնակչուհի, 1965թ. ծնված Լ.Գ-ն («Սասունցի Դավիթ» ԱԿ ռեստորանի մատուցողուհի) ոստիկանության Ասկերանի շրջբաժնի հերթապահ մաս հաղորդել է այն մասին, որ նշված ռեստորանից գողություն է կատարվել:
Պարզվել է, որ օգոստոսի 22-ին` ժամը 22:00-ի սահմաններում, Հադրութի շրջանի Կարմրակուճ գյուղի բնակչուհի, 1988թ. ծնված Ս. Ա-ն նշված ռեստորանի առանձնացված սենյակում Մարտակերտի շրջանի Կոճողոտ գյուղի բնակիչ, 1988թ. ծնված Ն.Ս-ի տաբատի գրպանից գողացել է 94.000 դրամ և 1000 ՌԴ ռուբլի:
Նույն օրը հաղորդում է ստացվել նաև Ասկերան քաղաքի Կամոյի փողոցի N տան բնակչուհի, 1964թ. ծնված Լ Դ-ից` իր տնից կատարված գողության մասին:
Պարզվել է, որ ժամը 10:00-ից մինչև 20:00-ն ընկած ժամանակահատվածում անհայտ անձը մուտք է գործել Լ.Դ-ի տուն և գողացել 3000 դրամ, 4 կտոր ոսկյա և 6 կտոր արծաթյա զարդ:
Վնասի չափը պարզվում է:
* * *
Օգոստոսի 23-ին Մարտակերտի շրջանի Վանք գյուղի բնակչուհի, 1933թ. ծնված Ժ. Մ-ն դիմել է ոստիկանության շրջբաժին այն մասին, որ ս.թ. օգոստոսի 22-ից մինչև օգոստոսի 23-ն ընկած ժամանակահատվածում անհայտ անձը իր տան բակից գողացել է 30 լիտր տարողությամբ օղի թորելու կաթսան` պատճառելով 150.000 դրամի նյութական վնաս:
