ԿԱՅՔԻ ՔԱՐՏԵԶ
ԹԵԺ ԳԻԾ
21.08.2014 15:02
Գողություն խանութից և ավտոմեքենայից
Օգոստոսի 19-ի ժամը 14:00-ից մինչև օգոստոսի 20-ի ժամը 08:00-ն ընկած ժամանակահատվածում անհայտ անձը, մեխանիկական ներգործությամբ բացելով Մարտակերտի շրջանի Ճանկաթաղ գյուղի բնակիչ, 1962թ. ծնված Է. Հ-ին պատկանող խանութի պատուհանը, մուտք է գործել ներս և գողացել 17.000 դրամ, սննդամթերք ու տնտեսական ապրանքներ:
Ձեռնարկված միջոցառումների արդյունքում պարզվել է, որ նշված գողությունը կատարել է նույն գյուղի բնակիչ, 1972թ. ծնված Ս. Ռ-ն (նախկինում դատված) :
* * *
Օգոստոսի 20-ին Բաբաջանյան փողոցի N տան բնակիչ, 1982թ. ծնված Ն. Ե-ն ոստիկանության Ստեփանակերտի քաղվարչության հերթապահ մաս է դիմել այն մասին, որ օգոստոսի 19-ի ժամը 20:00-ից մինչև օգոստոսի 20-ի ժամը 05:45-ն ընկած ժամանակահատվածում անհայտ անձը տան մոտ կայանված իր ավտոմեքենայից գողացել է 150.000 դրամ և 2 ձայնարկիչ: