ԿԱՅՔԻ ՔԱՐՏԵԶ
ԹԵԺ ԳԻԾ
11.08.2014 14:36
Գողություն, գողության փորձ
Օգոստոսի 9-ին Մարտակերտի շրջանի Ծմակահող գյուղի բնակչուհի, 1978թ. ծնված Ա. Հ-ն ոստիկանության Ստեփանակերտի քաղվարչություն է դիմել այն մասին, որ օգոստոսի 8-ի ժամը 17:30-ից մինչև օգոստոսի 9-ի ժամը 06:30-ն ընկած ժամանակահատվածում «Արևիկ մանկական բուժմիավորում» ՓԲ ընկերության վիրաբուժական բաժանմունքում որդուն` 2003թ. ծնված Կ. Հ-ին խնամելու ժամանակ անհայտ անձինք պահարանից կախված իր պայուսակից գողացել են 110.000 դրամ:
Ձեռնարկված միջոցառումների շնորհիվ պարզվել է, որ նշված գողությունը կատարել է Քաշաթաղի շրջանի Ուռեկան գյուղի բնակչուհի, 1985թ. ծնված Հ. Թ-ն:
Գողոնը մասամբ առգրավված է:
* * *
Օգոստոսի 10-ին Ասկերանի շրջանի Ավետարանոց գյուղի բնակչուհի, 1966թ. ծնված Լ. Ե-ն ոստիկանության շրջբաժին է դիմել այն մասին, որ օգոստոսի 9-ի գիշերը անհայտ անձինք չկողպված դռնով մուտք են գործել իր տան նկուղը և գողացել մեկ պարկ հաճար:
Վնասի չափը պարզվում է:
* * *
Օգոստոսի 10-ին Ասկերանի շրջանի Աստղաշեն գյուղի բնակիչ, 1978թ. ծնված Է. Ս-ն ոստիկանության շրջբաժին հաղորդել է այն մասին, որ իր եգիպտացորենի դաշտից գողություն է կատարվել:
Պարզվել է, որ նույն օրը` ժամը 09:00-ի սահմաններում, Այգեստան գյուղի անչափահաս բնակիչներ`2001թ. ծնված Ս. Ս-ն և 2002թ. ծնված Մ. Ա-ն, նախնական համաձայնության գալով, Աստղաշեն գյուղի վարչական տարածքում գտնվող` Է. Ս-ին պատկանող դաշտից պոկել են 143 հատ եգիպտացորենի կողր, տեղափոխել դաշտից դուրս, սակայն, հանդիպելով Աստղաշեն գյուղի բնակիչ, 1988թ. ծնված Ա. Գ-ին, իրենց կամքից անկախ հանգամանքներում հանցագործությունն ավարտին չեն հասցրել:
Գողոնն առգրավված է: