ԿԱՅՔԻ ՔԱՐՏԵԶ
ԹԵԺ ԳԻԾ
09.09.2017 12:36
Գողություն` Բերձոր քաղաքում
Սեպտեմբերի 8-ին ժամը 09:30-ին Քաշաթաղի շրջանի Բերձոր քաղաքի բնակչուհի 1979թ. ծնված Հ.Ս-ն ոստիկանության շրջբաժին է դիմել այն մասին, որ սեպտեմբերի 7-ի ժամը 23.30-ից մինչև սեպտեմբերի 8-ի ժամը 09:00-ն ընկած ժամանակահատվածում անհայտ անձը տանիքի պլաստմասե առաստաղը կոտրելու եղանակով մուտք է գործել Բերձոր քաղաքի Խաղաղության հրապարակի 13/1 հասցեում տեղակայված «Հերմինե Սահակյան» խանութ-սրճարան և պահարանի դարակում գտնվող դրամապանակից գողացել 270 000 դրամ, իսկ ցուցափեղկից` 30-ից 40 բլոկ տարբեր տեսակի ծխախոտ:
* * *
Սեպտեմբերի 8-ին ժամը 09:20-ին Քաշաթաղի շրջանի Բերձոր քաղաքի բնակիչ 1972թ. ծնված Յ.Ս-ն ոստիկանության շրջբաժին է դիմել այն մասին, որ սեպտեմբերի 7-ի ժամը 23.00-ից մինչև սեպտեմբերի 8-ի ժամը 08:30-ն ընկած ժամանակահատվածում, անհայտ անձը մեխանիկական ներգործությամբ բացելով դռան կախովի կողպեքը մուտք է գործել Շուշիի մայրուղի 4 հասցեում տեղակայված, իր կողմից վարձակալած անվադողերի նորոգման շինություն և գողացել անիվ նորոգելու 6 տուփ ռետինե թել, 15 մետր երկարությամբ անիվների օդամղիչ ռետինե խողովակ` չափիչով և օդամղիչ մեխանիզմով:
