ԿԱՅՔԻ ՔԱՐՏԵԶ
ԹԵԺ ԳԻԾ
10.05.2016 17:56
Գողության դեպքեր
Մայիսի 8-ին Մարտակերտի շրջանի Մատաղիս գյուղի բնակչուհի, 1954թ. ծնված Ք. Բ-ն ոստիկանության շրջբաժին է դիմել այն մասին, որ մայիսի 7-ի ժամը 10:00-ից մինչև մայիսի 8-ի ժամը 20:00-ն ընկած ժամանակահատվածում, անհայտ անձը համագյուղացի՝ 1972թ. ծնված Մ. Ա-ի տնից գողացել է իրեն պատկանող 100.000 ՀՀ դրամը:
Ձեռնարկված միջոցառումների շնորհիվ պարզվել է, որ նշված գողությունը կատարել է Ներքին Հոռաթաղ գյուղի բնակչուհի, 1970թ. ծնված Կ. Գ-ն:
Գողոնը մասամբ առգրավված է:
*****
Մայիսի 8-ին Մարտակերտի շրջանի Մատաղիս գյուղի բնակչուհի, 1982թ. ծնված Ի. Խ-ն ոստիկանության շրջբաժին է դիմել այն մասին, որ մայիսի 8-ին՝ ժամը 15:00-ի սահմաններում, անհայտ անձը իր տնից գողացել է 1 հյութամղիչ սարք, 3 հատ սրբիչ և ջինսե 2 տաբատ՝ պատճառելով նյութական վնաս:
*****
Մայիսի 8-ին Մարտունի քաղաքի Խաչատրյան փողոցի N տան բնակիչ, 1998թ. ծնված Դ. Դ-ն ոստիկանության շրջբաժին է դիմել այն մասին, որ մայիսի 7-ի ժամը 22:15-ից մինչև մայիսի 8-ի ժամը 09:00-ն ընկած ժամանակահատվածում, անհայտ անձը իր աշխատավայրի՝ վաճառասեղանի դրամարկղից գողացել է 255.000 ՀՀ դրամ:
Ձեռնարկված միջոցառումների արդյունքում պարզվել է, որ նշված գողությունը կատարել է Օզանյան փողոցի N տան բնակիչ, 1993թ. ծնված Ա. Ս-ն
Ա. Ս-ն բերման է ենթարկվել ոստիկանության շրջբաժին:
Գողոնն առգրավված է:
