ԿԱՅՔԻ ՔԱՐՏԵԶ
ԹԵԺ ԳԻԾ
17.11.2015 16:41
Գողության դեպքեր
Նոյեմբերի 16-ին Մարտակերտ քաղաքի Տերյան փողոցի N տան բնակչուհի, 1962թ. ծնված Ս. Խ-ն ոստիկանության շրջբաժին է դիմել այն մասին, որ ս.թ. սեպտեմբերի 1-ի ժամը 14:00-ից մինչև ժամը 18:00-ն ընկած ժամանակահատվածում, անհայտ անձը չկողպված դռնով մուտք է գործել իրենց տուն և գողացել 30.000 ՌԴ ռուբլի, 2 ԱՄՆ դոլար, 2 կգ շոկոլադ ու տարբեր տեսակի կենցաղային ապրանքներ:
*****
Նոյեմբերի 16-ին ստացված տեղեկությունների ստուգմամբ պարզվել է, որ նոյեմբերի 9-ին՝ ժամը 15:00-ի սահմաններում, Քաշաթաղի շրջանի Կովսական քաղաքի բնակիչ, 2002թ. ծնված Ն. Մ-ն չկողպված դռնով մուտք է գործել 1974թ. ծնված Մ. Ե-ին (բն. է նույն քաղաքում) պատկանող տուն և մահճակալի ներքնակի տակից գողացել 10.000 դրամ:
Գողոնն առգրավված է:
*****
Նոյեմբերի 16-ին Քաշաթաղի շրջանի Դարբնոց գյուղի բնակիչ, 1977թ. ծնված Մ. Դ-ն և Գետամեջ գյուղի բնակիչ, 1991թ. ծնված Ս. Դ-ն, վերջինիս պատկանող «Ֆորդ Տրանզիտ» մակնիշի ավտոմեքենայով, ներկայացել են «Թովմասար» կոչվող տարածք և Սարատակ գյուղի բնակիչ, 1951թ. ծնված Ս. Ա-ին պատկանող «Բելառուս» տրակտորից գողացել 100 լիտր դիզվառելիք:
Գողոնը մասամբ առգրավված է:
