ԿԱՅՔԻ ՔԱՐՏԵԶ
ԹԵԺ ԳԻԾ
14.05.2016 12:52
Գողության 2 դեպք
Մայիսի 13-ին Ստեփանակերտ քաղաքի Մանուկյան փողոցի թիվ 4 շենքի N բնակարանի բնակիչ, 1981թ. ծնված Ա. Մ-ն դիմել է այն մասին, որ ս.թ. մայիսի 11-ից մինչև 13-ն ընկած ժամանակահատվածում անհայտ անձինք Ստեփանակերտ քաղաքի Մանուկյան 120ա շենքի դիմացի խաղահրապարակի մոտ կայանված՝ իրեն պատկանող «ՈՒՐԱԼ» բեռնատար ավտոմեքենայի սրահից գողացել են մարտկոցը:
*****
Մայիսի 13-ին Մարտունու շրջանի Վազգենաշեն գյուղի բնակիչ, 1972թ. ծնված Ա. Բ-ն ոստիկանության շրջբաժին է դիմել այն մասին, որ ս.թ. մայիսի 12-ի ժամը 18:00-ից մինչև մայիսի 13-ի ժամը 06:30-ն ընկած ժամանակահատվածում անհայտ անձը չկողպված դռնով մուտք է գործել նույն գյուղի հարակից տարածքում տեղակայված՝ իրեն պատկանող անասնագոմը և գողացել մեկ գլուխ 60 կգ կենդանի քաշով խոզը:
Ձեռնարկված միջոցառումների արդյունքում պարզվել է, որ նշված գողությունը կատարել են Վազգենաշեն գյուղի բնակիչ, 1990թ. ծնված Ռ. Թ-ն և Ավդուռ գյուղի բնակիչ, 1992թ. ծնված Ա. Դ-ն:
Գողոնը մասամբ առգրավված է:
