ԿԱՅՔԻ ՔԱՐՏԵԶ
ԹԵԺ ԳԻԾ
08.02.2019 16:42
Գերխնդիրը լիարժեք ներքին անվտանգության մթնոլորտի ապահովումն է
Կադրային փոփոխություն ԱՀ ոստիկանության Մարտակերտի շրջանային բաժնում
Սույն թվականի փետրվարի 8-ին ԱՀ ոստիկանության պետ, ոստիկանության գնդապետ Իգոր Գրիգորյանը այցելեց ոստիկանության Մարտակերտի շրջանային բաժին` ներկայացնելու նորանշանակ բաժնի պետին։
Ոստիկանության պետին ուղեկցում էր տվյալ շրջանային բաժնի ղեկավարման վերահսկողությունն իրականացնող, ոստիկանության պետի տեղակալ-շտաբի պետ, ոստիկանության գնդապետ Բորիս Ենգիբարյանը։
Նախ, հրապարակվեց ոստիկանության պետի փետրվարի 8-ին ստորագրված հրամանները, համաձայն որոնց, ոստիկանության փոխգնդապետ Գառնիկ Ստեփանյանը ազատվել է ոստիկանության Մարտակերտի շրջանային բաժնի պետի պաշտոնից և գրանցվել ոստիկանության կադրերի ռեզերվում, իսկ ոստիկանության գնդապետ Ռոմա Հարությունյանը ազատվել է ոստիկանության Շահումյանի շրջանային բաժնի պետի պաշտոնից և նշանակվել ոստիկանության Մարտակերտի շրջանային բաժնի պետի պաշտոնին։
ԱՀ ոստիկանության պետը ոստիկանության փոխգնդապետ Գառնիկ Ստեփանյանին շնորհակալություն հայտնեց ոստիկանության Մարտակերտի շրջանային բաժնի ղեկավարումը տարիներ շարունակ բարեխղճորեն կազմակերպելու համար և անձնակազմին ներկայացնելով նորանշանակ պետին, համոզմունք հայտնեց, որ շատերի համար նախկին գործընկեր և ղեկավար, ոստիկանության գնդապետ Ռոմա Հարությունյանը բարձր պատասխանատվությամբ կկազմակերպի հանցավորության դեմ պայքարի և հասարակական կարգի ապահովման ուղղությամբ ոստիկանության շրջբաժնի գործունեությունը, որպես ուղենիշ ունենալով` լիարժեք ներքին անվտանգության մթնոլորտի ապահովման գերխնդիրը։