ԿԱՅՔԻ ՔԱՐՏԵԶ
ԹԵԺ ԳԻԾ
21.08.2015 12:19
Գանգուղեղային վնասվածք՝ վիճաբանության ժամանակ
Օգոստոսի 21-ին «Հանրապետական բժշկական կենտրոն» ՓԲԸ-ից ոստիկանության Ստեփանակերտի քաղվարչության հերթապահ մաս հաղորդում է ստացվել այն մասին, որ բաց գանգուղեղային վնասվածքով և ալկոհոլային ինտոքսիկացիայով բուժօգնության է դիմել Ստեփանակերտ քաղաքի Տոլստոյ փողոցի N տան բնակիչ, 1971թ. ծնված Ա. Ա-ն:
Պարզվել է, որ օգոստոսի 20-ին, ժամը 23:00-ի սահմաններում, Ա. Ա-ն Ստեփանակերտ քաղաքի Կրուգովայա փողոցի թիվ 30 տան մոտ վիճաբանության մեջ է մտել Խուդյակով փողոցի N տան բնակիչ, 1985թ. ծնված Կ. Հ-ի հետ, ձեռքերով և ոտքերով հարվածներ հասցրել նրան, որից հետո վիճաբանությունը շարունակվել է Կրուգովայա փողոցի թիվ 111 տան բակում, որտեղ Կ. Հ-ն քաշելով գետնին է գցել Ա. Ա-ին և փայտով մեկ անգամ հարվածել նրա գլխին: