ԿԱՅՔԻ ՔԱՐՏԵԶ
ԹԵԺ ԳԻԾ
13.06.2020 17:27
Գաղտնի հափշտակել է հեծանիվ
Հունիսի 12-ին ԱՀ ոստիկանության ծառայողը զեկուցագիր է ներկայացրել ԱՀ ոստիկանության Ստեփանակերտ քաղաքի վարչություն այն մասին, որ սպասարկվող տարածքով շրջագայելու ընթացքում պարզել է, որ Ասկերանի շրջանի բնակիչ, 1997թ.ծնված Ա. Գ.-ն հունիսի 6-ին ժամը 01:00-ի սահմաններում, մայրաքաղաքի Տ. Մեծ փողոցի թիվ 98 շենքի 1-ին շքամուտքից գաղտնի հափշտակել է նույն շենքի բնակչուհի` 1988թ.ծնված Լ. Չ.-ին պատկանող «Ռեմբո» տեսակի հեծանիվը, որը վարելով հասել է Տ. Մեծ փողոցի թիվ 10 շենքի մոտ, սակայն հեծանիվի անսարք լինելու պատճառով այն թողել է նշված շենքի 1-ին շքամուտքում և ժամը 02:00-ի սահմաններում, նույն շքամուտքից գաղտնի հափշտակել է 1977թ.ծնված Ե. Հ.-ին պատկանող «Սաֆտ» տեսակի հեծանիվը:
Գողոնն առգրավված է:
Ա. Գ.-ն բերման է ենթարկվել ԱՀ ոստիկանության Ստեփանակերտ քաղաքի վարչություն:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: