ԿԱՅՔԻ ՔԱՐՏԵԶ
ԹԵԺ ԳԻԾ
14.07.2014 17:51
Բուժօգնության են դիմել մարմնական վնասվածքներով
Հուլիսի 13-ին շտապ բուժօգնության կայանից ոստիկանության Ստեփանակերտի քաղվարչություն հաղորդում է ստացվել այն մասին, որ քթի կոտրվածք, դեմքի սալջարդ և աչքի հեմատոմա վնասվածքներով բուժօգնություն են ցուցաբերել Սախարովի փողոցի N տան բնակիչ, 1965թ. ծնված Ա. Մ-ին:
Պարզվել է, որ նույն օրը, ժամը 10:00-ի սահմաններում, վիճաբանության ժամանակ Ա. Մ-ին տանը ձեռքով հարվածներ է հասցրել եղբայրը` Իոսիֆյան փողոցի N տան բնակիչ, 1967թ. ծնված Ա. Մ-ն:
***
Հուլիսի 14-ին Հանրապետական բժշկական կենտրոնից ոստիկանության Ստեփանակերտի քաղվարչություն հաղորդում է ստացվել այն մասին, որ մարմնական վնասվածքներով բուժօգնության է դիմել Դավիթ Բեկի փողոցի N տան բնակիչ, 1976թ. ծնված Ս. Պ-ն:
Պարզվել է, որ հուլիսի 13-ին, ժամը 23:30-ի սահմաններում, «Մազին կամուրջ» կոչվող տեղամասում վիճաբանության ժամանակ Ս. Պ-ն և Ս. Սպանդարյան փողոցի N տան բնակիչ, 1986թ. ծնված Յու. Մ-ն ծեծի են ենթարկել միմյանց:
***
Հուլիսի 13-ին Ասկերանի շրջանի Լուսաձոր գյուղի բնակիչ, 1978թ. ծնված Գ. Կ-ն ոստիկանության շրջբաժին է դիմել այն մասին, որ նույն օրը, ժամը 17:30-ի սահմաններում, գյուղի «Ղմբարանց հող» կոչվող տեղամասում ոտքով և հեռախոսով իրեն հարվածներ է հասցրել համագյուղացի` 1989թ. ծնված Ս. Ա-ն:
***
Հուլիսի 12-ին, ժամը 09:30-ի սահմաններում, Մարտունու շրջանի Բերդաշեն գյուղի բնակիչ, 1964թ. ծնված Ա. Ա-ն վիճաբանության ժամանակ բահով հարվածել է համագյուղացի` 1959թ. ծնված Հ. Ս-ի գլխին, ինչի հետևանքով վերջինս ականջի և վզի կտրված, պատռված վերքերով տեղափոխվել է շրջհիվանդանոց:
