ԿԱՅՔԻ ՔԱՐՏԵԶ
ԹԵԺ ԳԻԾ
19.08.2015 14:28
Բերման են ենթարկվել թմրանյութ պահելու և օգտագործելու կասկածանքով
Օգոստոսի 18-ին ԼՂՀ ոստիկանության Ստեփանակերտի քաղվարչության և Ասկերանի շրջբաժնի ծառայողների կողմից իրականացված օպերատիվ միջոցառումների արդյունքում թմրանյութ պահելու կասկածանքով, «Մենք ենք մեր սարերը» հուշահամալիրի մոտակայքից ոստիկանության քաղվարչություն բերման են ենթարկվել Ստեփանակերտի քաղաքի Հեքիմյան փողոցի թիվ 7 շենքի N բնակարանի բնակիչ 1978թ. ծնված Ա. Բ-ն և վերջինիս պատկանող «Ֆորդ Տրանզիտ» ավտոմեքենան, ում տաբատի գրպանում անձնական զննությամբ հայտնաբերվել է 34.27 գրամ, իսկ ավտոմեքենայի սրահում 5.24 գրամ քաշով կանաչ գույնի սպեցիֆիկ հոտով կանեփանման բույսի չոր զանգվածներ և 124 գրամ քաշով կանեփանման բույսի թուփ:
* * *
Օգոստոսի 18-ին ԼՂՀ ոստիկանության Ստեփանակերտի քաղվարչության ծառայողների կողմից իրականացված օպերատիվ միջոցառումների արդյունքում, Ստեփանակերտ քաղաքի Մարտունի փողոցի թիվ 74 շենքի մոտակայքից թմրանյութ պահելու և օգտագործելու կասկածանքով ոստիկանության քաղվարչություն բերման է ենթարկվել Ստեփանակերտի քաղաքի Ա.Մկրտչյան փողոցի թիվ 4ա շենքի N բնակարանի բնակիչ 1976թ. ծնված Դ. Ս-ն, ում տաբատի գրպանում, անձնական զննությամբ հայտնաբերվել է 1 ծխախոտի գլանակ, որի մեջ առկա էր 0.53 գրամ քաշով կանաչ գույնի սպեցիֆիկ հոտով կանեփանման բույսի չորացված և մանրացված զանգված:
* * *
Օգոստոսի 18-ին ԼՂՀ ոստիկանության Ստեփանակերտի քաղվարչության, ԼՂՀ ոստիկանության ՔՀՎ և ոստիկանության Ասկերանի շրջբաժնի ծառայողների կողմից իրականացված օպերատիվ միջոցառումների արդյունքում թմրանյութ պահելու կասկածանքով «Երկաթգիծի կայարան» կոչվող տեղամաս տանող ճանապարհից ոստիկանության քաղվարչություն բերման է ենթարկվել Ստեփանակերտի քաղաքի Կամոյի փողոցի N տան բնակիչ 1980թ. ծնված Ա. Հ-ն, ում գրպանում անձնական զննությամբ հայտնաբերվել է 11.83 գրամ ընդհանուր քաշով սպեցիֆիկ հոտով կանեփանման բույսի զանգված: