ԿԱՅՔԻ ՔԱՐՏԵԶ
ԹԵԺ ԳԻԾ
07.03.2019 11:09
Բացահայտվել է վիճաբանության դեպքը
Ս.թ.մարտի 6-ին հաղորդագրություն էինք տարածել մայրաքաղաքի Ազատամարտիկների փողոցի թիվ 40 շենքի մոտակայքում տեղի ունեցած վիճաբանության մասին:
ԱՀ ոստիկանության Ստեփանակերտ քաղաքի վարչության ծառայողները ՝ համատեղ ԱՀ ոստիկանության քրեական հետախուզության վարչության ծառայողների հետ պարզել են, որ ս.թ. մարտի 6-ին ժամը 00:10-ի սահմաններում, նշված վայրում վիճաբանություն է առաջացել մի կողմից մայրաքաղաքի բնակիչներ՝ 1989թ.ծնված Ա. Մ-ի, 1991թ.ծնված Մ. Ա-ի, 1991թ.ծնված Գ. Ս-ի, 1990թ.ծնված Ա. Ա-ի, իսկ մյուս կողմից Մարտակերտի շրջանի բնակիչ, 1993թ.ծնված Ա. Լ-ի և նյութերով դեռ չպարզված անձանց հետ, որի ընթացքում վերջինս ստացած մարմնական վնասվածքներով տեղափոխվել է «Հանրապետական բժշկական կենտրոն»:
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
