ԿԱՅՔԻ ՔԱՐՏԵԶ
ԹԵԺ ԳԻԾ
06.04.2019 11:01
Բացահայտվել է խանութի գողությունը
Ապրիլի 5–ին Մարտակերտի շրջանի բնակիչ, 1948թ.ծնված Է.Մ-ն ԱՀ ոստիկանության Մարտակերտի շրջանային բաժնում հաղորդում է տվել առ այն, որ Մարտակերտի շրջանի գյուղերից մեկում տեղակայված «Պահեստամասերի աշխարհ» ՍՊԸ-ի խանութի դռան կողպեքը հայտնաբերել է ջարդած վիճակում։
ԱՀ ոստիկանության Մարտակերտի շրջանային բաժնի ծառայողները պարզել են, որ ապրիլի 4-ի ժամը 21:00-ից մինչև ապրիլի 5-ի ժամը 13:40-ն ընկած ժամանակահատվածում անհայտ անձը մեխանիկական ներգործության եղանակով ջարդել է նշված ընկերության խանութի պահեստի դռան կողպեքը, որից հետո փորձել է բացել դուռը, սակայն չի հաջողվել, այնուհետև նույն եղանակով բացել է պահեստի պատուհանի մետաղաճաղավանդակը և մուտք գործել պահեստ՝ հետո խանութ ու հափշտակել 3 բլոկ «VIP» տեսակի ծխախոտ և 1 «Կիվի» տեսակի կոշիկի քսուկը:
ԱՀ ոստիկանության Մարտակերտի շրջանային բաժնի ծառայողները՝ ռազմական ոստիկանության ծառայողների հետ համատեղ պարզել են, որ նշված գողությունը կատարել է ՀՀ ք. Գորիս քաղաքի բնակիչ, 1999թ.ծնված Է. Ս-ն:
Գողոնը մասամբ առգրաված է:
Ստուգմամբ զբաղվում է ԱՀ ոստիկանության քննչական վարչությունը: