ԿԱՅՔԻ ՔԱՐՏԵԶ
ԹԵԺ ԳԻԾ
12.11.2019 11:58
Բացահայտվել է գողության դեպքը
Նոյեմբերի 11-ին Ասկերանի շրջանի բնակիչ, 1963թ.ծնված Ա. Գ.-ն դիմել է ԱՀ ոստիկանության Ասկերանի շրջանային բաժին առ այն, որ 2019թ.նոյեմբերի սկզբից մինչև նոյեմբերի 11-ն ընկած ժամանակահատվածում անհայտ հանգամանքններում իրենց տնից պարբերաբար գումար է պակասել :
Ասկերանի շրջանային բաժնի ծառայողները՝ ԱՀ ոստիկանության քրեական հետախուզության վարչության ծառայողների հետ համատեղ ձեռնարկված միջոցառումների արդյունքում պարզել են, որ նոյեմբերի սկզբներին` Ասկերանի շրջանի բնակիչ, 1998թ.ծնված Վ. Հ.-ն դռան կողպեքը բացելով ապօրինի մուտք է գործել Ա. Գ.-ի տուն և այնտեղից հափշտակել 233.000 ՀՀ դրամ գումար, իսկ 2019թ. նոյեմբերի 11-ին ժամը 09:10-ի սահմաններում վերջինս տան ննջասենյակի պատուհանով ապօրինի մուտք է գործել տուն և ննջասենյակի պահարանի միջից հափշտակել 2.590 դրամ գումար:
Գողոնն առգրաված է:
Ստուգմամբ զբաղվում է ԱՀ ոստիկանության Ասկերանի շրջանային բաժինը: