ԿԱՅՔԻ ՔԱՐՏԵԶ
ԹԵԺ ԳԻԾ
27.12.2019 14:46
Բացահայտվել են ապօրինի ծառեր հատելու դեպքերը
Դեկտեմբերի 24-ին հաղորդվել էր Աստղաշեն համայնքի վարչական տարածքում Ա. Ա.-ի կողմից վարձակալած թթենու այգուց 2019թ. հոկտեմբեր ամսում անհայտ անձանց կողմից թվով 14 հատ թթենու ծառեր ապօրինի հատելու վերաբերյալ:
Կատարված ստուգումներով պարզվել է, որ 2019թ. հոկտեմբեր ամսվա կեսերին նշված 14 հատ ծառերից 3 հատը ապօրինի հատել է Ասկերանի շրջանի բնակիչներ՝ 1969թ.ծնված Ա. Կ.-ն, իսկ մյուս 11 հատը` 1995թ.ծնված Շ. Գ.-ն:
Դեկտեմբերի 23-ին հաղորդվել էր «Արցախանտառ» ՊՈԱԿ Մարտակերտի մասնաճյուղի Վաղուհասի անտառպետության թիվ 7 պահաբաժնի «Չալին Շեն» կոչվող տեղամասից անհայտ անձանց կողմից թվով 35 հատ տարբեր տեսակի ծառեր ապօրինի հատելու մասին:
Ոստիկանության ծառայողները պարզել են, որ նշված 35 հատ ծառերից թվով 32 հատը 2019թ.հոկտեմբեր ամսվա ընթացքում պարբերաբար ապօրինի հատել է ՀՀ Տավուշի մարզի բնակիչ, 1980թ.ծնված Ա. Մ.-ն:
