ԿԱՅՔԻ ՔԱՐՏԵԶ
ԹԵԺ ԳԻԾ
20.02.2016 12:22
Բացահայտվել գողության երեք դեպք
Փետրվարի 19-ին Մարտունու շրջանի Խնուշինակ գյուղի բնակիչ, 1954թ. ծնված Հ. Թ-ն հեռախոսով ոստիկանության շրջբաժնի հերթապահ մաս է հայտնել այն մասին, որ իր տնից գողություն է կատարվել:
Ձեռնարկված միջոցառումների արդյունքում պարզվել է, որ փետրվարի 18-ին, նույն գյուղի բնակչուհի, 1988թ. ծնված Ա. Հ-ն, օգտվելով տան բնակիչների բացակայությունից, մուտք է գործել Հ. Թ-ին պատկանող տուն և գողացել 3 000 դրամի մետաղադրամներ ու տարբեր տեսակի կենցաղային իրեր:
Գողոնն առգրավված է:
*****
Փետրվարի 19-ին Ստեփանակերտ քաղաքի Նոր Արեշ թաղամասի N տան բնակչուհի, 1956թ. ծնված Է. Ս-ն ոստիկանության քաղվարչության հերթապահ մաս է դիմել այն մասին, որ անհայտ անձը նշված հասցեում տեղակայված հավաբնից գողացել է վերջինիս պատկանող 4 հավը:
Ձեռնարկված միջոցառումների արդյունքում պարզվել է, որ նշված գողությունը փետրվարի 18-ին կատարել են նշված թաղամասում բնակվող անչափահասներ՝ 2000թ. ծնված Ա. Ի-ն և 2001թ. ծնված Ա. Ե-ն:
Գողոնն առգրավված է:
*****
Փետրվարի 19-ին ստացված տեղեկությունների ստուգման արդյունքում պարզվել է, որ Մարտակերտ քաղաքի Օրբելի եղբայրների փողոցի N տան բնակիչ, 1979թ. ծնված Ա. Գ-ն ս.թ. փետրվարի սկզբներին, Օրբելի փողոցում գտնվող՝ Ամիրյան փողոցի N տան բնակիչ, 1981թ. ծնված Դ. Ս-ին պատկանող հողամասից գողացել է 101 մետր երկարությամբ պլաստմասե խողովակ:
Գողոնն առգրավված է:
