ԿԱՅՔԻ ՔԱՐՏԵԶ
ԹԵԺ ԳԻԾ
08.05.2019 18:16
ԱՐՑԱԽԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏ, ՈՍՏԻԿԱՆՈՒԹՅԱՆ ԳՆԴԱՊԵՏ ԻԳՈՐ ԳՐԻԳՈՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՂԹԱՆԱԿԻ, ՊԱՇՏՊԱՆՈՒԹՅԱՆ ԲԱՆԱԿԻ ԿԱԶՄԱՎՈՐՄԱՆ ԵՎ ՇՈՒՇԻԻ ԱԶԱՏԱԳՐՄԱՆ ՏՈՆԵՐԻ ԱՌԹԻՎ
Սիրելի հայրենակիցներ
Ընդունեք իմ ջերմագին շնորհավորանքները եռատոնի առթիվ։
Մայիսի 9-ը մեր հերոս ժողովրդի հաղթանակների խորհրդանիշն է։
Հայրենական մեծ պատերազմի հաղթական ավարտին մեծ ներդրում է ունեցել նաև հայ ժողովուրդը, հազարավոր հայեր իրենց մահկանուցուն են կնքել ֆաշիզմի դեմ տարած պայքարում։
Շուշիի ազատագրումը հայ ժողովրդի նորագույն պատմության թերևս ամենափառավոր հաղթանակներից մեկն էր, որի շնորհիվ մայրաքաղաք Ստեփանակերտը և հարակից բնակավայրերը ազատվեցին ամենօրյա հրետակոծություններից։
Պաշտպանության բանակը ծնունդ առավ Արցախյան ազատամարտի ժամանակաշրջանում և դարձավ մեր ամենապանծալի ձեռքբերումներից մեկը, մեր պետականության անվտանգության երաշխավորը։
Հարգելի համերկրացիներ
Մեկ անգամ եվս շնորհավորելով Եռատոնի առթիվ, մաղթում եմ խաղաղություն երկրիս, միասնականություն` ազգիս և նորանոր հաղթանակներ` հայոց աշխարհիս։