ԿԱՅՔԻ ՔԱՐՏԵԶ
ԹԵԺ ԳԻԾ
01.09.2018 13:58
ԱՐՑԱԽԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏ, ՈՍՏԻԿԱՆՈՒԹՅԱՆ ԳՆԴԱՊԵՏ ԻԳՈՐ ԳՐԻԳՈՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԱՐՑԱԽԻ ՀԱՆՐԱՊԵՏՈՒԹՅԱՆ ՀՌՉԱԿՄԱՆ 27-ՐԴ ՏԱՐԵԴԱՐՁԻ ԱՌԹԻՎ
Սիրելի հայրենակիցներ.
Ջերմագին շնորհավորանքներ եմ հղում բոլորին Արցախի Հանրապետության հռչակման 27-րդ տարեդարձի առթիվ։
Արցախի Հանրապետությունը կայացման դժվարին ճանապարհ է անցել։ Բազում զրկանքների և անձնվեր որդիների շնորհիվ հաղթանակելով իրեն պարտադրված պատերազմում մեր ժողովուրդը ապացուցել է հայի անպարտելի ոգին։
Մեր հաղթանակի և կայացման պատմությունը համազգային հպարտություն է՝ մեծ նպատակի հաջող սկզբի նախադրյալ, իսկ պետականության կառուցումը անընդհատ իրականացվող գործընթաց։
Մենք ընտրել ենք ժողովրդավարական և իրավական պետության տեսակը, որտեղ բարձրագույն արժեքը մարդն է, նրա իրավունքների և ազատությունների անքակտելիությունը։
Արցախի Հանրապետության ոստիկանությունը, իրավապահ մյուս կառույցների հետ մեկտեղ այդ իրավունքների և ազատությունների ապահովման երաշխավորն է։ Մենք մեր առջև դրել ենք հասարակական անվտանգության ապահովման նոր նշաձող և անելու ենք ամեն ինչ այն հաղթահարելու համար։ Դրա հետ մեկտեղ, մենք առաջին հերթին հայրենիքի զինվորներ ենք և պատրաստ ենք լծվելու Արցախի պաշտպանության վեհ գործին։
Եվս մեկ անգամ շնորհավորելով բոլորիս անկախության տոնը, Արցախ աշխարհին մաղթում եմ հաղթանակներ, ազգիս՝ անկոտրում կամք և համազգային ոգևորություն։ Մենք ոչ թե արժանացել այլ նվաճել ենք այդ ոգևորության իրավունքը։
Հավերժ փառք այդ ոգևորությունը մեզ պարգևած, բայցև չվերապրած մեր եղբայրներին։
Թող Աստծո Աջի հովանու ներքո կարողանանք հասնել մեր բաղձալի նպատակին։